عمرك حلمت في يوم

طبعا الموضوع باين من اوله انه سؤال
بس هنا مش سؤال
هنا عباره عن فضفضه مع النفس شويه ..
الحكايه ان لكل واحد مننا حلم كان بيحلمه وهو صغير ...
وكان بيتمني انه يتحقق ..
وعايز اعرف مين فينا حقق حلم كان بيحلمه..
وانا هاكون اول واحد يقول حلمه..

كان يا ما كان يا ساده يا كرام وانا عندي 7 سنين يعني من حوالي 16 سنه
كنت قدام حديقه الحيوان انا وابويا وعيلتي وشوفت قدام عيني جامعه القاهره وكليه الاداب
فحلمت اني لما اكبر هخش الكليه دي وهاجري الصبح الساعه 5 في الجامعه
وفعلا فضلت مصر رغم اني كان ممكن اخش هندسه وانا كنت جايب مجموع هندسه شبرا ورغم كده حاربت لغايه ما دخلت كليه الاداب
وانضميت لفريق الجواله واللي كنت عضو في الكشافه قبل ما اخش الجامعه
وسهرنا في الجامعه عشان نعمل شويه حاجات تبع الكشافه
وجريت فعلا الساعه خمسه الصبح ..
كان احساس جميل فعلا لما اتحقق الحلم بتاعي ولسه الاحلام كتير جايه وهنحكي مع بعض كتير ..

يا تري بقي مين فينا كان عنده حلم وفضل وراه ...
مش مهم يكون الحلم كبير ...
المهم انه يكون اتحقق مهما اسينا بس كان عندنا اصرار وتعب..
واتمني اشوف ردود الناس

تسلم ايدك ع الموضوع

ننتظر المزيد

تقبل مرورى

زائر

الحياه تحدى واحلام

وربنا يعطى كل انسان حسب جهده

ربنا يحقق احلامك

تسلم ايدك ع الموضوع الرائع والفكره الجميله

ساعوود

الشاطر أمير كتب:: الحياه تحدى واحلام

وربنا يعطى كل انسان حسب جهده

ربنا يحقق احلامك

طيب يا امير انا ما شفتش حلمك
ولا انا الوحيد اللي بحلم هنا

هشام عبد الراضى كتب:: تسلم ايدك ع الموضوع

ننتظر المزيد

تقبل مرورى

بردو يا هشام لقيت صف طويل عريض من الصور
بس ما لقيتش حلم
ايه هي الاحلام بقت حرام تتذكر
هو طبعا مروركم علي عيني وراسي
بس الاحلام هي اللي بتدي دفعه ليا تاني اني احلم من جديد
يعني لو شوفت حد فيكم حلم زيي هاحلم من تاني ومش هافكر اني وحيد في فكري ده

ربنا يحقك احلامك يا محمد ياااااااااااااااارب

وتسلم على فكرة الموضوع

اما انا بقا فالحمدلله رب العالمين

مافيش حلم اتحقق ومش تقول دا تشاؤم

دى حقيقة والله بس الحمدلله على كل شئ

واكيد كل شئ فى اوانه اوقات بزعل وبحزن

بس برجع اقول لعله خييييييييييير

ويارب يكون خير على طول لينا كلنا

تقبل مرورى

هنا كتب:: ربنا يحقك احلامك يا محمد ياااااااااااااااارب

وتسلم على فكرة الموضوع

اما انا بقا فالحمدلله رب العالمين

مافيش حلم اتحقق ومش تقول دا تشاؤم

دى حقيقة والله بس الحمدلله على كل شئ

واكيد كل شئ فى اوانه اوقات بزعل وبحزن

بس برجع اقول لعله خييييييييييير

ويارب يكون خير على طول لينا كلنا

تقبل مرورى

ماشي يا ستي مش هاقول عليكي متشائمه
بس يا متشائمه انا عايز اقلك علي حاجه
اكيد يعني في دعابيس حياتك الطويله دي في ولو حتي نص حلم مركون علي الرف كده اتحقق
يعني مش معقوله 23 سنه ولا 20 سنه علي حسب سنك واللي ما اعتقدش يزيد او يقل عن كده ومافيش ولا مره حلم من احلامك اتحقق
ساعتها ما تبقيش متشائمه
تبقي فقر بقي
ههههههههههههه
كالعاده هاقلك تقبلي رخامتي واتمنالك افضل حياة واتمني اشوف حلم من احلامك

اولا انا عمرى يزيد انا مش عارفة جبت منين 23 او 20 سنة دى منين

ماعلينا انا بجد مافيش حلم حلمته اتحقق لحد دلوقتى يبقا انا فقر بقا زى ما انت قلت هههههههههه

بس كا ن فيه حلم صغير جدا هو دا اللى اتحقق

انا كنت وانا صغبرة خجولة لدرجة فاقت الحدود

كنت اتكسف جدا واخجل اسلم على حد او اكلم حد ووشى يحمر ويحيب الاوان الطيف

اتمنيت انى ابقا عادية واتعامل مع الناس ببساطة

والحمدلله اما دخلت الجامعة اتغيرت تدريجيا وبقيت رغاية

ومش هقلك بقيت جريئة بس شيلت شوية من الخجل اللى كان جوايا

لانى كان لى قريب قاللى مرة خجلك دا هيوديكى فى داهية

الكلمة بجد اثرت فى وقلت لازم اغير نفسى

بس هو دا الحلم

ارتحت يامحمد هههههههههههههههههههههه

» رجيمك حسب عمرك
» طارق الشيخ ندم عمرك
» معلومات عمرك ماركزت فيهاااااااااا
» اوعى عمرك يعدى من غير متحاسب نفسك.....
» عمرك سألت نفسك إحنا بيتعمل فينا كده ليه؟