مستحيل افرط فى الشنطة بتاعتى أبداااااااا

تعالو يلا بينا نشوف أميرة البنت اللى بتجرى
وشايلة على دراعها شنطة صغيرة
ومش راضية تسيب الشنطة دى ابدااااااااااا
تعالو نشوف أميرة بتجرى ليه؟؟
وياترى الشنطة اللى معاها دى فيها ايه؟؟؟
فجأة وجدت أميرة نفسها فى صحراء خالية
لا تعرف فيها احد ولا أحد يعرفها
فنظرت أميرة حولها يمينا ويسارا فلم ترى احدا
فلم يكن موجود فى الصحراء سوى أميرة وتحمل على ذراعها
شنطة سوداء صغيرة
وقفت أميرة تبكى ولا تدرى اين تذهب؟

فاصل وسنعود بعد قليل
بقول لكم ايه تعالو نكمل الحكاية باللغة العامية احسن
عشان بس تبقى سهلة ودمها خفيف
المهم يا ولاد صحبتنا أميرة قعدت تعيط وتعيط
ومش عارفة ياعينى تروح فين وتيجى منين وهى عاوزة
تروح بيتها ياعينى ومش عارفة
وفجأة...!
طلع لأميرة ديب اسمر كبيييييير
صرخت أميرة بصوت عالى
ومش عارفة تعمل ايه؟ ومعهاش اى حاجة تدافع بيها
عن نفسها الا الشنطة ياعينى اللى على دراعها

فظهر لأميرة صوت بينادى عليها ويقول لها دافعى عن نفسك بالشنطة اللى معاكى وإلا هتموتى

ولكن أميرة مرضتش تخلع الشنطة من على دراعها
وتضرب بيها الديب وفضلت ترجع للخلف والديب يقرب منها
اكتر واكتر
وبردو أميرة مش راضية تخلع الشنطة وتضرب بيها الديب
لحد ما اتكعبلت أميرة فى طوبة فى الارض فأخدت أميرة
الطوبة وضربت بيها الديب ولحسن الحظ
الطوبة جات فى عين الديب وبسرعة اخدت أميرة شوية رملة
من الارض ورمتها على عين الديب التانيه
لحد ما الديب بقى مش عارف يشوف وبسرعة طلعت تجرى
أميرة على اخر ما عندهالحد ما بعدت عن الديب خااالص
وقالت الحمدلله

وبعدين وقفت أميرة وبصت يمين وشمال مشفتش حاجة
بدأت أميرة تفقد الأمل وتقول بينها وبين نفسها
شكلى هموت هنا وقعدت تعيط بصوت واطى كده
وبعدين قعدت عالرملة وقامت فورا فى الحال
مقدرتش تعد عشان الرملة كانت سخنة جدااااااا

فظهر لأميرة صوت بينادى عليها ويقول لها اخلعى الشنطة اللى على دراعك واعدى فوقها وارتاحى

ولكن أميرة مرضتش بردو تخلع الشنطة وتعد عليها
على الرغم ان أميرة كانت تعبانة عالاخر من كتر الجرى
الا انها مرضتش تقعد
وفضلت ياعينى واقفة فى عز الشمس والحر

وفجأة...!

سمعت أميرة صوت موج جى من بعيد
فمشت ناحية الصوت لحد ما شافت بحر من بعيد
فرحت أميرة وراحت تجرى ناحية الميه
فلقت هناك قارب زوغير فركبت فيه
وبعد ما القارب مشى بيها شوية
بدأ القارب يميل وكأنه هيغرق بيها فى الميه
فظهر لأميرة صوت بينادى عليها ويقول لها الوزن تقيل فى القارب حاولى ترمى اى حاجة من معاكى عشان تخففى وزن القارب

طبعا أميرة مكنش معاها اى حاجة الا الشنطة
وللاسف مفيش وقت للتفكير


يا إما أميرةترمى الشنطة؟
يا إما أميرة هتغرق وتموت؟

رمت أميرة الجزمة بتاعتها وبقت حافية
ولكن للاسف فضل القارب لسه وزنه تقيل ولازم أميرة ترمى حاجة تانيه؟؟
تفتكتروا أميرة هتعمل ايه؟؟

وبسرعة قررت أميرة انها تخلى الشنطة فى القارب عشان
متتغرقش وتنزل هى الميه وتفضل ماسكة فى القارب
لحد ما يوصل للشط
وفعلا خلعت أميرة الشنطة من على دراعها وحطتها فى
القارب ونزلت أميرة الميه ومسكت فى القارب لحد ما وصل بيها القارب الى الشط
واخيرااااااااا وصل القارب للشاطئ وظهرت المفاجأة
وصلت لأميرة لجزيرة كلها شوك
وللاسف هى دلوقت حافية وياريت حافية وبس دى كمان
هدومها مبلولة ووزنها تقيل ومش قادرة تمشى
فظهر لأميرة صوت بينادى عليها ويقول لها اخلعى الشنطة اللى على دراعك وارمى اللى فيها والبسى الشنطة فى رجلك
ونطى بيها لحد ما تعدى منطقة الشوك
تفتكتروا أميرة هتعمل ايه؟

رفضت أميرة انها ترمى الحاجة اللى فى الشنطة
وقررت اميرة انها تنام عالشط ياعينى لحد ما هدومها تنشفت

وفجأة...!
صحت أميرة من النوم على صوت مامتها بتنادى عليها
وتقول لها يلا يا أميرة عشان باقى على مدفع الفطار
خمس دقايق تعالى يلا حضرى معايا الفطار
[/center]
فتحت أميرة عينها فوجدت نفسها على سريرها
وهى تحتضن المصحف
فتذكرت أميرة انها جلست فى سريرها بعد صلاة العصر
تقرأ القرأن ولكن يبدو انها نامت دون ان تشعر وحلمت بذلك
الحلم العجيب
وتذكرت الشنطة التى كان بها المصحف
فابتسمت أميرة وقالت الحمدلله


لن اتركك ابداااااا يا مصحفى وحتى ولو كان الثمن حياتى


لكل شاب وكل شابة
ولكل رجل وكل امرأة
يا جماعة يا اللى بتروحوا تصلوا وتاخدوا معاكوا المصاحف
الجامع عشان تقروا منها قرأن
ليه تحطوا مصحف ربنا على الارض وتسيبوا
اللى بيعدى رايح جاى يدوس عليه؟؟
ده الاطفال مالية الجامع فى رمضان
[/center]
والله قدام عنيا العيال رايحة جاية وبيدوسوا عالمصاحف
استغفر الله العظيم يااااااارب
مش عارفة بجد اقول ايه
انت عارف اللى يدوس على المصحف يبقى كافر؟

لكل شاب وكل شابة
ولكل رجل وكل امرأة
يا اللى حاطين مصحف ربنا فى البيت


والتراب فوقه وتحته ومن كل مكان حواليه
بذمتك هان عليك انك تسيب مصحف ربنا كده
مليان بالتراب
وياريت عالتراب وبس!
ده التراب ده بيحوى حشرات
انت مش بتشوفها بالعين المجردة
بذمتك ترضى ان الحشرات تمشى على مصحف ربنا
اقول ايه بساكتر من كده؟
ده الصحابة ربنا يرضى عنهم
تعبوا عشان يجمعوا القران الكريم
وتعبوا عشان يشكلوا القران الكريم
وتعبوا عشان يوصلوا لك القران بالشكل المبسط
اللى انت شايفة دلوقت
تقوم انت تروح تهمل كده فى كلام ربنا
امانة عليك ...وامانة عليكى

بأمنكم أمانة من دلوقت ليوم القيامة
خدوا بالكم من مصحف ربنا سبحانه وتعالى
فملايين الدنيا بحالها والله ما تساوى أية واحدة من اياته
ويقول سبحانه وتعالى
{ قل لئن اجتمعت الإنس والجن على أن يأتوا بمثل هذا القرآن لا يأتون بمثله ولو كان بعضهم لبعض ظهيرًا } الإسراء/88.
صدق الله العظيم




اتمنى انى مكنش طولت عليكم
وكل سنة وانتم طيبين وبصحة وسلامة

يسلمو ع المجهود الكبير

ننتظر المزيد الى الامام

تحياتى العطره

لاء لاء سامح اية النشاط دة
موضوع جميل
بصراحه كل يوم بتفاجئمى بجاجة جديدة منك
تقبل مرورى

اولا اخويا مجهود تستاهل علية بجد بوسة امووووة حلوة هههههههه ثانيا مش كل شوية تقلانا سامح كان هنا للزكرى بجد والله بتضايقنى الكلمة دى اوعا تمشى هزعل بجد تقبل مرورى