اسف لم اجد عنوان

سمعت قصه عن واحده ابنها اختفي من جنبها وفجاه اكتشفت ان ابنها مات وقع في النيل ولما راحت تبلغ سمعنا كلماتها دي بس باسلوبي واول ما قرات الحكايه لقيت نفسي بكتب من غير ما افكر فاعذروني لو كانت فيها اخطاء
انا بكيت وانا بكتبها فاتمني ان احساسي يوصلكم
نسمع كلامها :


وحياة ابوك يا باشا عايزه اروح لابني

علشان عيالي ابوس ايديك يا باشا سيبني
طب قولي ليه وف القسم ده ايه اللي جابني
وحيات ولادك دنا سيبت ابني لادين غريبه
وشوفت ويل وحاجات عجيبه

انا كنت ماشيه في ايدي عيل
عشر سنين .... تسع سنين
لمكن كتير يمكن قليل

مش فاكره سنه
بس المهم انا فاكره انه

كان معايا

هاعمل ايه هو كده حظي المنيل

اصل الحكايه
من البدايه
ابني الصغير يسلملي سنك
تسع شهور
لقيته بعد الشر عنك
تعب يا باشا حبتين
وفضلت اجري الف ادور
علي الشمال وعلي اليمين
انجدوني
وفضلت اصرخ .... يا ناس يا هو
الحقوه
يا ناس غيتوني
الوحده فين

قالولي روحي هناك بعيد
هتلاقيها
ودوري يمكن تلاقي اي حاجه تركبيها
بس اجري بسرعه يمكن تلحقيها
وبسرعه روحت ركبت تاكس
وقلت اروح
عماله اقول بس ليه
الدنيا ماشيه معايا عكس
.... بسرعه يا اسطي وحياه ابوك بكا الولد
عمال يزيد قالي يا ست
خلاص بقا كفايه نوح
..امشي يمين هتلاقي سلم
اجري بسرعه ... انزليه
هتلاقي ايه
مبني كبير مكتوب عليه
الحميات
وجريت بسرعه ليكون ميعاد الحجز فات
حجز ايه
ونسيت بان الفجر اذن
ومافيش امل ممكن يطمن
بس افتكرت .. اه افتكرت
احنا كنا يوم التلات
واوام نزلت
وابني الصغير نازل عياط
وكان يا باشا في ايدي اليمين
محمد ابني
...يا ابني مد ...سرع شويه
اخوك تاعبني
والدنيا كانت ساعتها ضلمه
عواميد كتير
لكن يا باشا الكوبري عتمه
هاعمل ايه هي حياتنا دايما كده
نصيب وقسمه
وببص فجاه فين محمد فين ضنايا
مش لاقيه حاجه
ده من شويه كان ورايا
قعدت اصرخ .. الحقوني ...مش لاقيه حد يكون معايا
ووقفلي شب وقال يا ست قوليلي مالك
طب ايه حصل ..ايه جرالك
رديت وقلت وعقلي طاير م الجنون
مستحيل ..اذاي يكون
ابني كان ويايا فجاه ومالقيتوش
دور معايا وفضلت ادعي
يارب سلم ...يارب حوش
بنبص فجاه شوفنا فتحه في الرصيف
بتودي علي البحر للي تحت هناك بعيد
فضل في املي خيط ضعيف
بانه لو حتي وقع
بان ايده ممكن تكون اتعلقت وسط الحديد
والشاب من بعد التعب
قالي يا ست ابنك
راح للي خلقه ... خلاص يا ست البحر ضمه
ادعي بان الله يكافاه ..علي صبر امه
هيدخله ع الجنه وانتي من وراه
انا قلت اااااااااااااااه
قلت لااااااااااااااااا
يا ناس يا هو
خلوا بالكم من الصغير واوعوا تسيبوه
وجريت لاقرب قسم يمكن يلحقوه
الباشا بعد ما قام زعق وقالي
يا ست بس لارميكي دغري جوه الحبس
انا قولت ليه
انا غلطتي اني اشتكيت
وعلي حامي حق المظلومين اوام جريت
انا ابني ضاع من بين ايديا
بعد اما كان قدام عنيا
تبقي جزاتي حبس ضلمه
ترميني فيه
قالي يا ست خلاص بقي
هنشوف الكوبري حكمه تحت مين
حكم الشمال ولا اليمين
لو حكمه طالع للشمال
ما تخافيش
كل حاجه بكره هتبقي عال
يمكن يعيش
لو حكمه طالع لليمين
فاعذرينا
مش هنبقي المسؤولين
وفضلت واقفه ونفسي افهم
انا ابني مات
بس حكم الكوبري يبقي حكم مين
حكم الشمال ولا اليمين
الله اعلم
والكل كتم الاهه جوه قلبه
وقال خلاص لو حد يوم ع الحق جار
لازم نسيبه للي خلقه عشان يحاسبه
مش هنقدر ع الكبار
وانا قلت اسفه خلاص يا باشا
بعد اللي فات ويا الجراح بعد الاهات
مهما عملت عمرك ما تقدر
توفي يوم حق اللي مات
بس السؤال ولاي حد لو حتي مين
مين السبب هما الشمال ولا اليمين
من غير عجب
كل اللي عايزاك تعرفه
ان اللي قتل الدره وهو في ايدين ابوه
زي اللي عايش ومشرفه
لو حتي حرم الطفل بانه يكبر
ويشوف اخوه

اشكركم واعتذر للاطاله ولكن المشاهد كانت ترسم نفسها
ولا استطيع الا انا اقول حسبي الله ونعم الوكيل
بقلمي محمد حمدي

كل اللي عايزاك تعرفه
ان اللي قتل الدره وهو في ايدين ابوه
زي اللي عايش ومشرفه
لو حتي حرم الطفل بانه يكبر
ويشوف اخوه



تسلم ايدك محمد واحساسك على هذا الموضوع

بجد مؤثر جدا

تقبل مرورى