الي صديقي

مجموعه كلمات تحمل رسائل الي اشخاص اعرفهم فابدا تلك الرسائل برساله الي صديقي باللغه العاميه


اوعاك يا صاحبي من النور تخاف

مهما العيون اتقفلت

او حتي يوم الوان قلوبنا اتبدلت

والظلم ساد,,, والحق زاف

اوعاك تخاف

لو حتي بحر الحب بينا
امواجه سكنت

عمرو ما يوصل للجفاف

او حتي صوت الحق فينا
حروفه سكتت
عن الكلام

وتوهنا يوم وسط الزحام

عمر القمر ما هيختفي وسط الضلام
وعمرها ما هتختفي
ضحكه عروسه في توب زفاف

فاوعاك تخاف

لو حد قال ان اللي بينا مش كبير

ما تصدقوش

احنا اللي بينا مش قليل , لا كتير
وانت عندي جوه عين لازم تغطيها الرموش

والدنيا شاهده والكل شاف

فاوعاك تخاف

بقلمي محمد حمدي

تسلمي يا هنا يارب