الكلام ده مش في مصر !!!

اولا الموضوع بقي لا يطاق
ثانيا الموضوع بقي لا يطاق
اما ثالثا فالموضوع بقي لا يطاق
لذلك نصرخ من قلوبنا معبرين عن حالنا
وان كنت انا لست الصارخ فانا من سيوصل الصرخه عن غيري بكلمات يشعر بها كل مصري ولكن .... لنري



وايه يعني لو الشله خزاينهم
تزيد ملايين
ويسيبو الفقر لعيالنا
عقيده ودين
ويقول اهرب بقت بلدك
هباب علي طين
سواد ايامك الجايه
وهتشكي لمين
هتجيب عيال وهتبيعهم
السته _ بتمن اتنين
الذل مالي بلدانك
والضحكه فيها ... دمعة عين
يا عم اهرب بقي وسبها
ماهو صحبك هنا خاربها
هيعدلها ويقلبها
ويفضل هو صاحبها
توطي دماغها قدامو
ويبقي الكل خدامو
يا عم اهرب خلاص انسي
معدش شراع ولا مرسي
معدش رجال ولا شبان
ملوها حشيش_ وبانجو كمان
زمن البغاء رجع تانى
وكلو ماشي كده عريان
يا عم اهرب بقي وسيبها
خلاص بلدك بقت قطران

........................
كاتب الكلمات امجد رشاد
......................
هنعمل ايه بقي
قول رايك في اللي حاصل وبلاش سكوت بقي