هل تثق بمن تحادثهم عبر الانتر نت ؟؟؟

السلام عليكم ورحمة الله

ازيكم جميعا

ده سؤال وارجو من كل الاعضاء ابداء رئيهم
بكل صراحة وبدون مجاملات
ويكون رأى صريح وشجاع لكل شخص هنا,,,

كثير منا يدخل الى شبكة الانترنت ، من خلال المنتديات والمواقع
يلتقي كل منا بعدد ليس بقليل من الناس ..
ويحدث بينهم كلام ،،،




محادثة بين شاب وفتاة

محادثة شاب مع شاب

محادثة فتاة مع فتاة أخرى

ولكن السؤال ... هل تثق بمن تحادثه على الانترنت ؟؟ هل تثق بأن من تحادثه صادق ؟؟
هل تثق بأن من تحادثه لا يخدعك ؟؟


وسؤال يجر سؤال .... هل من الممكن أن تصل هذه الثقة لاقامة صداقة أو علاقة ايا كانت ؟؟

(( لا أقصد علاقة محرمة طبعا )) .... هل من الممكن ان تصل بك الثقة لاخبار الشخص الاخر بأمور شخصية عنك ؟؟


هل تصل الثقة لان تقابل من تحادثه دون خوف ؟؟





ارجو التفاعل مع الموضوع والرد عليه

مع تحياتى

تسلم ايدك يا نورهان على الموضوع الحساس والجميل
بصى يا اختى عموما مش فى النت بس ثقى فى الناس بس لحدود
وضى تحت حدود كتير من الخطوط
وصدقينى مع الوقت هيبان لازم هيبان من احترم ثقتك ومن لم يحترمها
واحب اقول مقولة مصرية اهو يبقى اتعلمتى حاجة من المصريين ههههههههههههه
من الممكن ان تخدعى بعض الناس بعض الوقت ولا تستطيعى ان تخدعى كل الناس كل الوقت يارب اكون عملت اضافة تقبلى مرورى اختى

وميرسى ليك يا شريف على الاضافه

والمقوله كمان ههههههههههه

نورت ياجميل

هههههههههههه نجم ال انا موجود ال

احييك على رئيك الصريح
وفعلا الوحيد الذى يؤتمن على سرك هو نفسك
ميرسى ليك
دايما منور

تسلم يا هشام على ترحيبك

وتسلم على مرورك العطر

اولا اهلا بحضرتك في المنتدي نورهان واحب ان ارسلك تهانيه علي الموضوع الجميل ده وبجد جاى في وقته انا هقولك رايي وبكل صراحه العلاقات عامه بين الشباب في النت سواء بنات او شباب مع بعضهم دائما ما تكون متوتره بعض الشئ في بدايه العلاقه ولاكن مع طريقه الحديث والاسلوب كل شيئ بيظهر وكانك تراه امامك ليس علي مستطيل الشات فقط ولكن اذا تكلمنا عن الاسرار الشخصيه فهذه من رايي لا تصلح اصلا انها تقال الا للشخص اللى يستاهلك سواء خطيبك او جوزك ومالهاش لزمهتتقال لحد غيره ده رايي البسيط ودائما في تقدم يارب وتقبلي مروري

تسلمي يا نور على موضوعك وطرحك لهذه الأسئلة وفتحك لحوار ممتع لكافة الأعضاء ....

أولا بالنسبة ليا انا شخصيا فموضوع الثقة في شخص ما في عموما الحياة ليست بالأمر السهل بل هو امر صعب جدا وعلمتني تجاربي في الحياة الا امنح ثقتي بالآخر الا بعد الكثير من التجارب معه حتى اصل الى مرحلة الثقة به ....

ثانيا انا لا امانع في في اقامة علاقات مع الاشخاص عبر النت ... فالنت الان اصبح مجال للتعارف مع الآخر ولكن يجب ان نعرف حدود العلاقة مع الطرف الثاني بصرف النظر عن كونه ميل او فيميل .... ويجب ان نحترم الطرف الآخر في علاقتنا قبل ان نطالبه بالاحترام لنا

ثالثا بالنسبة لموضوع الثقة مع الاشخاص المتعارف عليهم عبر النت فهي تدخل ايضا بالنسبة لي تحت الاختبار ... فلا امنح ثقتي في الاخر الا بعد عدة مرات اختبار مع نوع من الخبرة والحس المكتسب من الحياة جعلتني استطيع من خلالها احكم الى حد ما في الشخص ... وبعدين فيه هنا عملية نسبية في المعلومة اللي ممكن يعرفها الشخص التاني بمعنى اني ممكن ااقول معلومة شخصية عني لشخص واقول معلومة اكثر خصوصية لشخص آخر وهذه العملية ترجع في المقام الاول لحكمي على الشخص .. وانا شخصيا عندي ترتيب لقدر الناس عندي ومن فيهم العزيز عندي ومن الاعز منه وهكذا وبهذا الترتيب ممكن اعرف مين اللي ااقوله عن بعض الامور ومين اللي ماقلهوش ....

واسمحيلي يا نور اني اختلف معاكي و مع احمد في موضوع ان السر يكون في نفسك لوحدك مش تقوليه لأي حد ... لأن من وجهة نظري انا شايف ان في بعض الاحيان يثقل السر علينا ويصبح كالحجر الجاثم على صدورنا ونحتاج في هذا الوقت الى التحدث مع اقرب شخص ممكن نثق فيه .....

تقبلي مروري يا كميلة الكميلات ومعذرة على التطويل في الرد وتقبلي مروري

تسلمى نوور حبيبتى موضوع اكتر من رائع بجد

انا رائى بصراحة ....

والله النت عالم كير وواسع انا في البداية اثق في من
يكلمني حتى يظهر لي العكس

وان ظهر لي العكس لااتذمر بل اعرف ان في هذه الدنيا الصالح والطالح
وانا متفائلة دائما وخصوصا وان النت عرفني بناس اطيب من الطيب مثلكم

تسلمى نور على الموضوع

النت عرفنا بناس كتير جدا وطبعا الثقة مش بتيجى بسرعة

الا بمرور الوقت مع تعمق العلاقة واكيد بيبان الانسان الجيد من اللى مش جيد

وانا عن نفسى يكفى انى عرفت ناس مثلكم من النت

اما الثقة مش بتيجى بسرعة لازم تعرفى الشخص اللى قدامك كويس جدا

وزى ماقال احمد فيه حاجات مش تاتمنى عليها حد غير نفسك

وانا بصراحة بثق فى ناس هنا كويس جدا جدا جدا

وعارفة انى ثقتى فيهم فى محلها وربنا يديم المعروف بنا يارب

مرة تانية تسلمى ياقمر على الموضوع الرائع

اهلا بيك يا محمد

منتدى منور بيك

اشكرك على رئيك وصراحتك


تسلم على مرورك

تسلم يا محمد على ردك الصريح على الموضوع

والبنسبة لريئى فى موضوع من يؤتمن على سرك فهو نفسك

انا شايفه ان كدة افضل لجميع الاطراف

وطبعا مش فى كل الاحوال

ومفيش مانع اننا نتكلم ونفضفض مع الناس اللى نثق فيهم



واكيد انتا نورت الموضوع بمرورك

تسلمى سهر على مرورك العطر



ودايما متفائلة بالخير يا رب


واكيد انتى من الناس الطيبة


نورتى الموضوع يا قمرة

نورت الموضوع يا هنون

تسلم ايدك

وربنا يديم المعروف بينا

عشان انتى اخت غالية

وناس كتير هنا يستاهلو الثقة