انواع الولاد ع النت

انواع الولاد على النت

--------------------------------------------------------------------------------

انواع الولاد على النت...
المرحلة الأولى : ( الي يدوبك لسه متعلم يدخل نت

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


(المرحلة الثانية: ( الي بيقعد على النت بس مش كتير

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق
للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك


(المرحلة
التالته : ( الي قاعد على النت ليل نهار

ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين
رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو
في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة


تقبلوو اجمل تحية

بصراحه كلامك بيحصل فعلا ههههههههههههههههههه تسلم ايدك نورهان

ههههههههههه بابا اوبح كمان

بس عندك حق في كل اللى بيفتحو النت والشات والله

وعلي فكرة تحليلك للمواضيع كويس اوى دي طريقتنا في كتابه اي

موضوع في كليه الحقوق لازم تبقي العناصر مترتبه واحد اتنين

تلاته وكل عنصر يتحلل تحليل دقيق

بس بجد ميرسي علي الموضوع ومعلش طولت عليكي وتقبلي

مروري

واحد يقولها _ بصراحه كلامك بيحصل فعلا

والتانى بيقولها_ بس عندك حق في كل اللى بيفتحو النت والشات والله

وعلي فكرة تحليلك للمواضيع كويس اوى دي طريقتنا في كتابه اي

موضوع في كليه الحقوق لازم تبقي العناصر مترتبه واحد اتنين

تلاته وكل عنصر يتحلل تحليل دقيق

ده بدل ما تمسكو فيها ما هيه مهزقه الرجاله ومش مديه فرصه ان حد يرد عليها وكمان بتشكوروها دا انا لو شوف حد فيكم هولع فيه سواء تيتو او محمد وانتى هجيب جركن تنر وهاجى باليل وهولعلك فى القسم و الى فيه استنى بس انا هرود عليكى قريب اوى وهعرفك ان الرجاله مش زى ما انتى فكره الرجاله رجاله من يومها ولالالالا ايييييييييه هتعرفى كمان ان البنات مش زى الملاك البرئ وهعرفك كمان ان المظلو فى الموضوع ده هما الرجاله والله انتم انتم ايه الى يدخلكو وتسمعو الكلام ده ادام مش قبله بكده ولا انتم بتخشو علشان تتخطبو علشان عنستوو هههههههههههههههههه استنى انتى هتشوفى ردى قوريب اوى نلتقى فى الرد وارجو انك ترودى عليه وهتعرفى ان البنات بتعمل اكتر من كده انا انصحك انك مش تخشى الشات تانى شوف وانا الى فاكر ان البنات ديه ملاك والجنس الناعم واتارى احنا الملاك وربنا عموما ولا بلاش كفايه عليكى اوى كده.

هههههههههههههههههههههه
هنون مادام هو مضايق كدا يبقى هو واحد منهم
بس يا نور انتى موضوعك جميل جدا
ومش تسمعى كلام الاسبانى
ومش تخافى حبيبتى وراكى رجاله

طلعت انتا اللى غلطان يا بومبو وواحد منهم خللي المرجله تنفعك

بقي ههههههههههههههههه ياراجل دنا كتبت موضوع عن بنات

اليومين دول كلكم جريتو ومدش رد عليه وسيبتو البنات تضربني

مفيش غير واحد بس احمد اللى كان معايه والباقي اللى يجري

واللى ابعد عن الشات اليومين دول قلت توبه انا هفضل معاهم

حتي لو غلط هههههههههههههههه

وما تعصبش نفسك كده تانى احسن يطقلك عرق ههههههههههه

انتا حبيبي يا اسباني وانا بهزر معاك اوعي تزعل مني

تسلمى نوووور على الموضوع الجميل

ويارب دايما فى تقدم وتميز

بس احب اقولك انك كده زعلتى الولاد منك جدااا

واسبانى هيخطفك اهو ههههههههههههههههه

بس رايى حبيبتى ان النت عموما فى الانواع دى سواء ولاد او بنات

تقبلى مرورى

ميرسي اوى على الموضوع الجميل اوى نور

وهيا كده ديما الحقيقه مره اسبانى هههههههههههه

بس معلشى بقى علقه تفوت ولا حد يموت

ديما مزيد من حقيقه الشباب حببتى ههههههههههههههه

هههههههههههههههههه

وربنا انتو كلكو عسل

ونورتى الموضوع جميعا

بعدين ايه يا عم اسبانى الموضوع كلو هزار

وسامح نزل موضوع قبل كدة انواع البنات ع النت ومحدش زعل

واحنا فى انتظار الرد والموضوع اللى بتقول عليه

وهناخد الموضوع بروح رياضيه


وتسلموووووو جميعا

ودوووم الضحكة الحلوة


تحياتى

ماشى سمسمه احزرى منى واخد الموضوع بروح رياضيه ايه بس انتى شيفانى الجوهرى بعدين الى مزعلنى ان مستنى تقولى واحد حلو فى الموضوع مش لاقى والى نرفزنى انك مش مديه فرصه كلو ورى بعضو كد هو الى زعلنى اكتر على الشباب الى دخله تشكرك ده بدل ما يمسكو فى خنائك مش عارف اقولك ايه بس المهم مش تتكرر تانى وانتى حره بقى وهما عرفين الاسبانى لما بيزعل بيبقى شكلو ايه ومتخدوش الافكار ديه على الشباب كلها دحنا مليكه وربنا ومن غير شكر انا مش هشكرك تانى بس

ههههههههههههههههه ايه مالك يا صعيدي معصب نفسك كده ليه

والنعمه انتا مشكله واسباني لما يتعصب ايه كل ده دانتا ناقص

تطلعلها موس وتعروها ههههههههههههه

والله انتا بجد فظيع حتا في مدايقتك بتضحكني

اة صح يعنى مفيش ولا واحد كويس بيدخل النت يا نور
ههههههههههههه حرام مش كدة
طيب خرجى اسبانى من الموضوع قليلة انا بتكلم على العرب مليش دعوة بالاسبانى دول كلهم مية مية
تقبلى مرورى

انا مش عارف انتو معصبين نفسكم كدا ليه

ده رايها وهي حره فيه المهم ان اي حد فيكم بينطبق عليه الكلام ده


اكيد اللي بينطبق عليه كلامها ده هيزعل

واللي زي مينطبقش عليه الكلام ده هينفض

وعلي العموم انا لي راي برده ولازم اقوله
الكلام ده بينطبق علي النات قبل ميكون علي الاولاد

وعايزه الدليل موجود بس مش ينفع اجبلك اميلاتهم

تسلم اتش واديهممترحمش هوه انتم لسه شوفتو حاجه انتم الى بدئتم الحرب وقريبا هتنسحبو منها بلا باى

تسلم الايادى

ننتظر المزيد

تحياتى