حبيبي عندما نلتقي

نور عيني
عندما التقيك
تهرب الكلمات من فوق شفاهي
وتتوقف الاشعار لتكتب المحال
تتعدى الكلمات معانيها
وتبحث الحروف عن قواميسها
لتترجم كلمات ماقالها احد
ولن تعرف المعاجم والكتب معانيها
عندما التقيك
تتحد قلوبنا وتتحد ارواحنا
فحبك فاق كل الضنون
فحبك يدفعني نحو الجنون
امتلك العالم وانت معي
تسلبني كل شيء
معك انسى نفسي
فجوارحي مجنده
با انتظار كلمه احبك
فهي تفرحني وتجعلني دون شعور
اصمت حين تتكلم
اخاف من جنوني ساعه حضورك
فانت عنواني اينما تكون
وانت طريقي اينما تذهب
اريدك قلبا وعقلا وجسدا
احتاجك طول عمري
اقترب مني اكثر يا حبيبي
لا ارى الحياه داخل عيونك
اوهبني الدرجات النهائيه
في كل مواد قلبك
ورتب النقاط فو ق حروفي
واعد اعرابي من جديد
وحولني الى جمله عشق مقروءه عندك
فانا والله احبك

جميل يا هشام تلك الكلمات ...
وصف رائع وجميل للحب والعشق ...
تسلم بجد على هذه الكلمات ...
وتقبل مروري

اشكرك محمد علي ردك الجميل

اتمني ان يكون عجبك بجد

اولا السلام عليكم
ثانيا بص يا هشام
في كلام كتير اوي موجود في القواميس وموجود في الكتب وعلي الاعلانات وفي الجرائد والمجلات وغيرها
ايه اللي بيقول ان الكلام ده شعر او مثلا كلام ادبي ذو طابع خاص
من ناحيه الشعر او النثر هنلاقي حاجه اسمها المحسنات البديعيه شيء مشترك بينهم
انما من ناحيه الشعر بس هنلاقي حاجه اسمها الموسيقي
هي دي اللي لما تسمع شعر حتي لو مش فاهمه تلاقي نفسك بتنسجم مع الكلمات والدليل انك ممكن تسمع شعر مثلا لامل دنقل او بدر شاكر السياب او نازك الملائكه وما تفهموش
بس فجاه بتلاقي نفسك بتتشد لانك حسيت بحاجه بتخرجك من رتم الحياه اللي انت عايش فيه المتكرر الرتيب الكئيب بكل اللغات واللهجات
يعني الشعر احساس ومعاني وموسيقي
راي انه ما ينفعش لو نقص واحده من التلاته
وانا ضد كل الي بيقول القصيده النثريه شعر
مش لازم تكتب شعر عمودي
مش لازم تكتب شعر تفعيله
بس اكتب كلام غير اللي اتعودنا نشوفه كل شويه في كل مكان
اتمني ما تزعلش من نصيحتي
وموفق دائما يا هشام

اخ عاشق

انا احترم رايك جدا

بس عايز اقولك علي حاجه

انا مش مؤلف الكلام دا

دا كلام عجبني بس مش اكتر

وانا لست دارس للشعر

ولا اعرف قوانينه

كل اللي انا حسه الكلمات بس مش اكتر

وانا مش بزعل من اي نقد

يعني انا مش بنزل موضوع عشان الكل يقولي تسلم علي موضوعك

لا انا لما بنزل موضوع بيكون عجبني ومش بالضروره انه يعجب كل قراؤه وزي مقلتلك انا عمري مزعل منك لان انا استفدت من نقدك

نورت موضوعي