غباء بلا حدود

اسرة ابن الخليج

غباء بلا حدود
--------------------------------------------------------------------------------

الاب كان مسافر ولما رجع لقى ابنه مستنيه فى المطار

الاب: ايه احوال البيت وانا مش موجود.. حصل حاجه وحشه



الابن: لا كل حاجه ميه ميه متقلقش هو حصل حاجه بسيطه بس

الاب: ايه اللي حصل

الابن: عصايه المكنسة اتكسرت

الاب: بس كده ولايهمك ... بس ايه كسرها

الابن: انت عارف ان البقرة لووقعت على حاجه بتكسرها

الاب: انت تقصد بقرتنا

الابن: اه

الاب: ايه اللى حصل

الابن: كانت بتهرب وهيه خايفه فوقعت على عصاية المكنسة كسرتها

الاب: المهم البقرة حصلها حاجة

الابن: لا مفيش حاجة .. ماتت

الاب: يا لهووووووى ماتت .... وهى كانت بتجرى خايفة من ايه

الابن: لا دى كانت بتهرب من الحريقه

الاب: حريقه!! حريقه ايه؟؟

الابن: لا مفيش اصل بيـتـنـا اتحرق

الاب: اتحرق يالهووووى من ايه

الابن:اخويا الكبير الله يرحمه

الاب: ايه اخوك مات ازااااااى ؟؟

الابن: ايوه مات كان بيشرب سيجارة وقعت حرقت البيت وهو جواه

الاب: يالهووووى اخوك كان بيشرب سجاير

الابن: هو كان بيشرب سجاير علشان ينسيه حزنه

الاب: حزنه على ايه

الابن: على امى الله يرحمها


الاب: هيا امك ماتت


فراح الاب ميت من غباء ابنه

الابن:بابا متعملش فى نفسك كده فداك الف المكنسة كلها

يسلم ع المجهود نورهان

دومتى بخير

ههههههههههههههههه ده بيسدرووووه تسلم ايدك من غير نفس

ههههههههههههههههههههههههه
بجد جميله
بس انا مش بضحك علي الموضوع

لا انا بضحك عشان تعرفي ان غياب الراجل اللي انتي دايما بتهاجميه هو نفسه اللي البيت الدمر لما غاب عنه

بس انا عارف الواد طالع غبي امين

ههههههههههههههههه

نوووور تسلم ايدك بجد بجد غباء فوق الوصف
هههههههههه المهم مقلتيش فى الاخر ابوة اشتراة ايد مكنسة جديدة ولا لا
سبتينا فى حيرة هع
تقبلى مرورى

يسلمووووووو جميعا على مروركم

اى حاجه بدون نفس مش عاوزاها

يا هشام انا مش بهاجم اى حد الموضوع كلو هزارررررررر

انتو اللى واخدين الموضوع جد


ميرسي ليكم

هههههههههه علي فكرة الولد مش غبي ولا حاجه

ده زكي جدا بس انتو مش فاهمينه اقولكو انا ليه ما رضيش يقول

لباباه علي طول اصل ابوة كان راجع من السفر تعبان وياعيني

مش حمل صدمات الواد قالك بدل ما استعجل موته اتكلم معاه

شويه واهو بعد كده هيروح لحاله مش هطول عليكو

وبعدين يا نور اسباني قلبه ابيض وما تزعليش منه بالله عليكي

احنا هنا في المنتدي صحاب وحبايب هو بس عشان صعيدي

الرجوله كلتو اوى ولما اشوفك يا اسباني ماشي

بتزعل نورهان كده ماشي يا يانتا يا نورهان في المنتدي ده

اوعى تزعل مني يا اسباني وانتى يا نور ما تزعليش منه

ول دايقك ما ترديش عليه اكتر حاجه بتدايق الشاب

ان البنت ما تردش عليه ماشي وكلنا اخوات يعني

وفي تقدم دائم ياارب وتقبلي مروري