العتاب

ما أجمل العتاب بين الأصدقاء والأحباب

فالعتاب صفاء للنفوس .... والعتاب أيضا على قدر المحبة

فنحن لا نعاتب إلا عزيز علينا وقريب إلى قلوبنا

والعتاب ضرورى فى العلاقات الانسانية بين الناس

فهو يجعلنا ننفس عما بداخلنا ولا نترك للضغينة مكان فى قلوبنا

فماذا سيخسر الشخص لو عاتب صديق له على موقف ما

ولابد أن يكون العتاب بأسلوب ودود ليس فيه لوم للطرف الأخر

مجرد عتاب بمحبة ومودة لإعادة الأمور لوضعها الصحيح

وقد قال عمر بن الخطاب رضى الله عنه:

" لا تقطع أخاك على ارتياب ، ولا تهجر دون استعتاب "

وأتمنى تشاركونى بأرائكم فى الموضوع


هنــأ

موضوع جميل ياهنا تسلم ايدك

العتاب لابد ان يكون في ايطار الاحترام للاخر

لا بدن من الاحترام حتي في العتاب لان زي مقال احمد ممكن ان اكون انا اللي غلطان

ودي فعلا حصلت معي شخصيا كانت هناك مشكله بيني وبين احد اصدقائي وعاتبته فيها وبصراحه هو زوق جدا قالي اقعد بس اشرب حاجه فعلا قعدت وانا متعصب جدا

فقال لي اهدي بس انا هفهمك بالراحه ومش هفهمك غير لما تشرب اللمون

المهم مطولش عليكم اقتنعت بما قاله فعلا وانا وهو من اشد الاصدقاء وفاء لبعض

اقصد من هذا ان من يعاتب لابد ان يعاتب بطريقه محترمه

اشكرك هنا علي طرح هذا الموضوع


تقبلي مروري

اخوكي/ هشام محي

التوقيع/ احسن مشرف

الله هنا موضوع يستحق نتكلم فية
العتاب مهم جدا بس هنا فى مشكلة ان ممكن لو كل واحد متمسك براية انة هو الصح ممكن العتاب يكبر الفجوة فا يستحسن فى بعض الحلات القليلة انك تنسى الزعل وتفتحى صفحة جديدة علاطول من غير عتاب
لأن ممكن بعد ما كان بدا ينسى الزعل وفاكر العشرة والحب الى بنهم العتاب يبتدى يفكر تانى فى الزعل
تقبلى مرورى هنا

تسلم احمد على مرورك بالموضوع

ورايك حقيقى كتير بنبقا مش فاهمين ايه اللى حصل

وبالعتاب الجميل تضح الامور

منور مواضيعى يا احمد

هنا بجد الموضوع جميل جدا
بس اقولك على حاجه ساعات العتاب يزود المشاكل اكتر
يعنى فى الى بيفتح القديم والجديد
وفى الى يسامح وينسى بس فى مجتمعنا قليل الى بيسامح وينسى وانا رائى من رأى شريف
تسلمى يا قمر على التوبك الجميل ده
تقبلى مرورى

تسلم اتش على ردك وكمان عن تجربة


وطبعا لازم يكون عتاب باحترام

لانه لو كان باسلوب غير كدا

مش يبقا عتاب دا يبقا لوم للطرف الاخر وانك بتوجه له الاتهام

ومنورنى اتش لك كل الود

تسلم شريف على المرور الكريم

ورايك صح برضو بس مش فى كل الحالات

لان الحالة دى متأخرة اوى يعنى فيه اشياء متراكمة

او بيكون الموضوع كبير فعلا فالافضل اننا نتسامح بدون لوم او عتاب

منور صفحتى

العتاب كلمة هل يدرك احد معناها !!!
هل يدرك أحد قيمتها !!!
كم عاتبنا الاحباب والاصدقاء وكل من يعز علينا خصامه !!!
ولكن هل أدرك الطرف التاني قيمة العتاب !!!
ماذا لو عاتبت شخصا على فعل معين !!!
وبعد عتابك على هذا الفعل بدأت معه من جديد!!
ثم كرر نفس الفعل !!!
فعاتبته على نفس الفعل !!!
ثم كرر بعد كل عتاب نفس الخطأ !!
هل بعد هذا يصح العتاب !!!

أنا عن تجارب شخصية فإني لا أعاتب الشخص على فعله
أكثر من 3 مرات

وبعد ذلك لا أعاتبه أبدا !!!
فمن لا يعز عليه غضبي وزعلي لا أعاتبه أبدا بعد ذلك!!
لا تسمح لي كرامتي بهذا ابدا !!!

قبل ان نتكلم عن العتاب لابد أن ندرك معناه وقيمته !!
وان نعرف كم يكون صعب على الانسان بعد ان يعاتب شخص
أن يكرر هذا الشخص نفس الخطأ في حقك !!
لابد ان نعلم كم يسبب ألم وجرح لكرامتنا !!

تقبلي مروري يا هنا

تسلم محمد على مرورك وردك

كلامك صح بس المهم اننا نبادر بالعتاب

يعنى نعمل اللى علينا

فيه ناس مش بتعاتب اصلا ولا تلوم ولا كأن شئ حصل

كل الى يعملوه البعد فقط بدون عتاب الشخص

اما طبعا لو حصل عتاب اكتر من مرة

يبقا صحيح لو زاد يبقا شئ جاى على الكرامة

وكله الا الكرامة

يسلمووووووووووو بجد على ردك

يسلمو هدى على مرورك الجميل

ورايك انت وشريف صح من وجهة نظر معينة

المهم اننا نعاتب فى الوقت وبالطريقة المناسبة

منورى صفحاتى