هل يمكن ان يصبح البحر مكان للفراق ؟؟؟؟؟؟؟

موضوعي النهارده عن البحر وسوالى هل البحر مكان للفراق؟؟؟

طول عمرنا عارفين ان البحر مكان بيبقي للحب والغرام وبيبقي احسن

زكريات سواء مع الحبيبه او مع العائله او مع الاصدقاء بس النهارده

انا ولا هتكلم عن الحبيبه ولا العائله بل عن الاصدقاء

انا اول مره اكتب موضوع بدموعي وحزني الشديد وارجو انى ما ادايقكوش

انا هحكيلكو حاجه حصلت معايه من يومين

كنا طالعين مصيف انا وسته اشخاص من صحابي

زمايلي في الجامعه وجيرانى في المنطقه

سافرنا اسكندريه واليوم اللى وصلنا فيه خرجنا واتصورنا في البلد

وتانى يوم نزلنا البحر في احدي شواطئ الاسكندريه في العجمي

قضينا اجمل لحظات حياتنا نزلنا احنا السته وقضينا وقت جميل في البحر

ولاكن اختفي واحد من زملائنا في البحر

طلعنا بره علي الشاطئ وانتظرنا زميلنا السادس فترات طويله

واتت المصدمه الكبيره راينا زميلنا عائم علي سطح الماء

واسرع احد زملائنا واتى به من الماء ولاكن توفي

مات زميلنا العزيز وهو في سن ال19 انتهي اجله وهو في رعيان شبابه

ولن يتمتع بحياته ولا بحبيبته ولا بعائلته المكونه من شخصين

هو واخته الوحيده تركنا وذهب لمالك الملك سبحانه وتعالي

واخبرنا اهله وكانت اسؤا لحظه اعيشها في حياتى عندما شاهدت

رد فعل والده ووالدته شئ محزن جدا وابكانى للحظات طويله

فارقنا اعز اصدقائنا بسبب هذا البحر اللعين ولكني لا اريد ان اقصي علي

البحر ولاكنه اخذ اعز اصدقائنا ونحن لم نصدق هذا شخص كان يلعب

ويضحك و يعيش لحظات سعيده منذ لحظات وياتى الموت فجاءة لياخذه

من اعز احبابه وقمنا بعزائه في الشارع وقمنا بحضور دفنه في المقبره

وكانت ايضا من اسؤا لحظات كنت اعيشها في حياتى انى اشوف صديق

يدفن امام عيني في التراب ولكن نحن كشباب نستفيد من هذا الموضوع

اننا نسارع بالتوبه ولا نقول اننا نتمتع بحياتنا ونصلي في اواخر العمر

لان الموت ممكن ييجي فجاه واهو حصل كان معانا وفجاه ذهب للذي خلقه

انا بس كان عندي طلب صغير من الساده الاعضاء اللى هيقرا الموضوع

الدعاء له بالمغفره والجنه يارب العالمين والهم اهله الصبر والسلوان

وانا لله وانا اليه راجعون

وفي نهايه كلماتى واحزانى

احب ان اقول ان فعلا ممكن ان يصبح البحر مكان للفراق

وارجو ان اكون لن احدثت اليكم شئ من الاحباط من البحر او المصيف

لان هذا قضاء وقدر واللهم لا اعتراض عليه

ولكنها قصه حقيقيه وحدثت معي بالفعل

ومستني رايكم في السوال وتقبلو تحياتي محمد الشاعر

وانا اول واحد هدعيله بالرحمه والمغفره والدعاء لاهله بالصبر

مستني ارائكم واتمنى ان نتعظ من هذه القصه القصيره الحقيقيه

محمد انا بصرحه اتصدمت لما سمعت الخبر
ربنا يصبرك ويصبر اهله يا رب
وانا لله وانا اليه راجعون

انا لله وانا اليه راجعون

اللهم اسكن فقيدنا الجنه

اللهم سبته عن السؤال

اللهم اجره من النار وادخله الجنه

اللهم انك اعلم به منا ولكن ادعوك ان تغفر له بكلمه قالها في حياته وهي
اشهد ان لا اله الا الله محمد رسول الله

اللهم انه فارق امه فانه بين يديك يااحن علي العبد من امه فاغفر له زنوبه

اللهم اكتبه من الشهداء ولا تفضحه يوم العرض عليك


في النهايه اتقبل بخالص العذاء لك اخ محمد وللفقيد الرحمه

ولاهله الصبر والسلون

انا لله وانا اليه راجعون

شكرا يا هدي علي مرورك وارجو انى ما اكونش صدمتك ولا دايقتك

معلش بقي دي حاجه حصلت وانتو اقرب الناس ليا بعد صحابي

قلت اقولكو وانا لله وانا اليه راجعون

ربنا يباركلك يا اخ هشام انك اهتميت بالدعاءللمتوفي لانه محتاج

الدعاء اكتر من اي شئ

وربنا يباركلك في حياتك وشكرا علي مرورك الكريم

وانا لله وانا اليه راجعون

شكرا يا اخت هنا علي اهتمامك بالدعاء واجابتك علي سوالى

ومرورك الكريم وربنا يبارك فيكي

وانا لله وانا اليه راجعون وربنا يصبر الجميع

سبحان الله كل واحد مش بيفكر غير في نفسه انما يشوف

مشاكل غيرو لا او يشاركو فيها دي لو لعبه كنا جرينا عليها

انما طالما في واحد مات كلنا نجري ونخاف نشارك في التفاهات

وخلاص والحاجات المهمه لا ما نفكرش فيها بجد ما كنش العشم

مافيش حد دعالو غير تلاته ربنا يباركلهم هدي وهنا واستاذ

هشام محي ربنا يباركلكم وواحد دخل يتريق علي كلامي

ربنا يسامحو بقي يا جماعه احنا في ايام كريمه

ارجو الدعاء للمتوفي وربنا يصبر اهله

تخيلو يا جماعه واحد فارق ابوة وامه واخته وهو طالب جامعي

وداخل تانيه لسه وما عملش حاجه في حياتو لسه

انا بجد خلاص مش قادر اتكلم عنه تانى ربنا يرحمه

ارجو الدعاء اخوكم محمد الشاعر

بسم الله الرحمن الرحيم
السلام عليكم ورحمة الله وبركاته
كثيرا ما ندعوا لبعضنا البعض وقليلا ما نتذكر الدعاء لأمواتنا ... الى كل من سبقنا الى دار الحق ... هذا الدعاء
- اللهم أغفر له و ارحمه و اعفو عنه و أكرمه
- اللهم وسع مدخله و ادخله الجنة و غسله بالثلج و الماء والبرد
- اللهم يمن كتابه و هون حسابه و لين ترابه و ثبت أقدامه و ألهمه حسن الجواب
- اللهم طيب ثراه و اكرم مثواه واجعل الجنة مستقره و مأواه
- اللهم نور مرقده و عطر مشهده و طيب مضجعه
- اللهم آنس وحشته و ارحم غربته و قه عذاب القبر و عذاب النار
- اللهم نقه من خطاياه كما ينقى الثوب الأبيض من الدنس
- اللهم فسح له في قبره و اجعله روضة من رياض الجنة و لا تجعله حفرة من حفر النار
- اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء
- اللهم اجعل له من فوقه و من تحته و من أمامه و من خلفه و عن يمينه و عن يساره نورا من نورك يا نور السماوات و الأرض
- اللهم أبدله دارا خيرا من داره و أهلا خيرا من أهله و أزواجا خيرا من أزواجه واسكنه فسيح جناتك في الدراجات العلي آمين
- اللهم إن كان قد أحسن فزد في إحسانه و إن كان قد أساء فتجاوز عن إساءته
- يا أكرم من سئل و يا أوسع من جاد بالعطايا … خفف أحماله و حط من أوزاره واجعله في مقام من قام لك بالقرآن أناء الليل و أطراف النهار
- اللهم كن له بعد الحبيب حبيبا و لدعاء من دعا له سامعا و مجيبا و اجعل له من فضلك و رحمتك و جنتك حظا و نصيبا
- اللهم من أحييته منا فأحييه على الإيمان و من توفيته منا فتوفه على الإسلام
- اللهم إنا نسألك توبة قبل الموت و راحة عند الموت و مغفرة بعد الموت
- اللهم اجعل لنا عملا يؤنسنا في قبرنا إذا أوحشنا المكان و لفظتنا الأوطان و فارقنا الأهل و الجيران
- اللهم هب لنا نفوسا مطمئنة تؤمن بلقائك و ترضى بقضائك تقنع بعطائك
- اللهم أغفر لحيينا و ميتنا و شاهدنا و غائبنا و صغيرينا و كبيرنا و جميع موتى المسلمين و المسلمات الذين شهدوا لك بالوحدانية و لنبيك بالرسالة و ماتوا على ذلك
- اللهم اجعل خير أعمالنا خواتيمها و اجعل خير أيامنا يوم لقائك
- سبحان ربك رب العزة عما يصفون و سلام على المرسلين و الحمد لله رب العالمين
- الفاتحة "و صلي الله على سيدنا محمد و على آله و صحبه و سلم" محمد عندك حق
بس انا راى ان اى مكان ممكن يكون سبب للفراق
مش البحر بس
ممكن يكون ماشى ويموت
اهم حاجه يموت موته صالحه
بس اكيد صحبك الى مات الله يرحمه انا مش بلوم عليه
هو ممكن يعنى بس متزعلش منى
يكون كان بيعمل حاجات مش كويسه فى حياته علشان كدا
مات بالشكل ده
انا بخاف من البحر
بس مش للدرجه انى اتخيل عند نزولى انى اموت
لانى عمرى بايد ربى
شكرا محمد
ع اهتمامك بزمايلك هنا
والمفروض اننا نشارك بعض فى الحزن والفرح
انا اسف ع الاطاله
بس يارب كلامى يعجبك اللهم ماغفر لنا

الله يرحمه يا محمد بجد انا زعلت اوى والله عليه وربنا يصبر اهله امين يارب

اللهم اجعل قبره روضة من رياض الجنه ولا تجعله حفره من حفر النار

اللهم انزله منازل الشهداء والصالحين وحسن اولئك رفيقا

اللهم اغفر له فى المهديين واخلفه فى الغابرين واغفر لنا وله يارب العالمين وافسح له فى قبره ونور فيه

اللهم املأ قبره بالرضا والنور والفسحة والسرور

امـــــــــيـن يــارب الـعالــمين

وانا لله وانا اليه راجعون

والله اختي ايه كلامك صح وجميل وما طولتيش عليا ولا حاجه

وربنا يباركلك ويخليكي يارب عشان اهتميتي بالدعاء

للشاب زميلي ده اللى فعلا محتاج دعاء وعلي فكرة

ما كانتش اعماله مش صالحه ولا حاجه زي ما قلتي

هو ما كنش بيصلي بس كان انسان محترم ومؤدب جدا

واحييكي علي جمله اننا نشارك بعض في الحزن والفرح

وده قضاء وقدر واللهم لا اعتراض وده قضرة ربنا يرحمه

بجد شكرا علي مساهمتك واهتمامك بالدعاء له اختي ايه

ربنا يوفقك في حياتك وشكرا مرة اخرة علي اهتمامك

بجد شكرا يا يا تيتو علي مرورك واهتمامك بالدعاء له

وربنا يجعله من اهل الجنه يارب ويجعلها اخر الاحزان

شكرا تانى علي اهتمامك بالدعاء وربنا يباركلك

والله يا نجم كلامك جميل اوى ربنا يخليك ويباركلك في صحتك

واهلك وكل من تحب يارب العالمين وبجد شكرا علي دعائك

للمرحوم وفعلا اهله في مصيبه كبيرة ومفيش حد حاسس بيهم

عشان كده انا قلت اقول ليكو تدعوله هو واهله يصبرهم

عشان ده هما اتنين بس وواحد راح منهم

ربنا يبارك ليهم في بنتهم 16 سنه اللى بقت وحيده

من بعد فراق اخوها ياااارب يااااارب صبرهم

شكرا يا نجم علي مرورك مره تانيه وعلي كلامك الجميل

ويارب تكون دايما معايه في افراحي واحزانى

وانا لله وانااليه راجعون ربنا يرحمه ويرحم وامه المسلمين عارفه يامحمد البحر بعطى ليكى اوقات سعيده بس قليل والبحر غدار فى يوم شم التسيم سنه سابقه والله حصل حقيق كان فى توءمان الولد الاول نزل البحر حتى يعوم بس غراق اخوه الاخر نزل ينقذ اخوه بس هو كمان الاخر غرق كانت صادم صعبه اوى على امامهاوابوهما ودفنه الاتنين فى قبره واحدويارب يا محمد يصبر اهله واهله توءمان ويرحمه امه المسلمين كله تسلم ايداك اخى محمد موضوع يحزن
(تقبل مرورى

شكرا اختي شيماء علي مرورك العطر وعلي دعائك للمتوفي

وحضرتك جايه تقوليلي ان في تؤام ماتو حرام عليكي

انا كرهت البحر خلاص والله واللى شفته وسمعتو عنه

لدرجه انى مش هاخد حبيبتي عند اى بحر خالص

ولا هنقرب عندو انا بقيت متشائم جدا منه

وعموما شكرا علي مرورك مره تانيه وعلي دعائك لزميلي

وللامه الاسلاميه كلها وكل سنه وانتى طيبه

وكل المسلمين وتقبلي خالص تحياتي

انا اسفه محمد انا بحكى حدث مش قصدى ازعلك انا اسفه انا اوقات كتيره بكره البحر فى ناس تموت فيها وناس تسفر ما ترجعش وانا يمكن واحده متشائم دايما انا اسفه مره تانى

اولا يا محمد أنا اول مرة اشوف الموضوع بجد
وده نتيجة اني فعلا عندي ظروف منعاني ادخل المنتدى كتير

ثانيا الله يرحم صديقك ويغفر له ويوسع عليه قبره
ويسكنه جنات النعيم
ونسأل الله أن ينعم على أهله بالصبر والسلوان

اما بالنسبة للبحر فليس هناك مبرر أن نمقته او نبغضه
لمجرد موت او غرق الناس فيه
لأنها تعددت الأسباب والموت واحد
وانا عن نفسي شفت كتير في البحر
وبالرغم مما رأيت فإني أعشقه واشتاق دائما له

تقبل مروري يا محمد
ومرة ثانية نسأل الله الرحمة والمغفرة لصديقك وكل أموات المسلمين

معلش يا شيماء والله كان غصب عني انى قلتلك كده وبعدين

مش عايزك تتاسفي لانك انتى مالكيش زمب انا اللى خلاص

مش بقيت بحب البحر وشكرا لمرورك للمرة التانيه

شكرا حبيبي علي مرورك ودعائك الجميل وانت عندك حق

انا قصوت كتير علي البحر لان غصب عني والله

اخد اعز اصدقائي مني ومن اصحابه في الجامعه

ومن اهله بس انت عندك حق الموت في اي وقت

وتعددت الاسباب والموت واحد

بجد يا محمد يا رشاد شكرا مرة تانيه علي مرورك

واتمنالك كل التوفيق والخير يارب وكل سنه وانت طيب

وفي توفيق دائم يارب

بسم الله الرحمن الرحيم

اخى العزيز محمد

انا لله وانا اليه راجعون

اللهم ارحم الفقيد بواسع رحمتك يا ارحم الراحمين

اللهم انزله منازل الصديقين والشهداء والصالحين وحسن اولئك رفيقا

اللهم اجعل قبره روضه من رياض الجنه ولا تجعله حفره من حفر النار

اللهم افسح له فى قبره مد بصره وافرش قبره من فراش الجنه

اللهم اعذه من عذاب القبر وجاف الارض عن جنبيه

اللهم انقله من موطن الدود وضيق اللحود الى جنات الخلود

فى سدر مخضودوطلح منضود وظل ممدودوماء مسكوب وفاكهه كثيره لا مقطوعه ولا ممنوعه وفرش مرفوعه


امين امين امين

شكرا استاذ هشام علي اهتمامك بالدعاء للزميل العزيز

وربنا يسكنه اعظم جناته يارب العالمين

وشكرا مرة تانيه علي تواجدك بموضوعي ومشاركتك

احزانى بجد ربنا يباركلك ويارب ما تكون زعلان مني

في حاجه كده او كده وانا لله وانا لله راجعون

وربنا يصبرك يارب واجل مسواهم الجنه يارب