داء الحس ماليك

مسكين ياليل ...

مكتوب عليك تسهر..ننام

تحضر..نغيب

زى الغريب..عابر سبيل

دق البيبان..ملقاش حبيب

الكل لمّا النور يغيب...

يتدارى بين أربع حيطان

والخوف يفوت..ويدوُر يتمًم ع البيوت

ويوقَف الأحزان صفوف ..مترتبة

عارفة الطريق..ماشية فى سكوت

بركان سكون ..وبينفجر بين الدروب

كل الحروف اتجمَدت ..مات الكلام

حتى المشاعر فى القلوب

تلقى الظنون اتسرسبت..ويَا الآلام

عدت ما بين حلْق البيبان ..واتطمنت

ع الكل نام..والكل سلَم للكروب

ستار ياليل...والستر فيك كشف العيوب

صحَى الدموع جوَة العيون..زى الزهور الميَتة

لو هزها الريح ع الغصون

احلامنا فيك متشتتة..وقلوبنا بيك صابها الجنون

والضى ف نجومك أمل.. بيبان سراب

وكأنها الشيب اللى دب ف راس عجوز..بعد الشباب

مسكين ياليل..علشان غريب ..وسط الأغراب

والناس بتخلع حلمها ..بعد الغروب

وتقوم تنام..

حابسة الأمانى ف حضنها ..خايفة العذاب

كل البيبان اتقفَِلت..

كل العيون اتقفَِلت...لو حتى غصبن عنَها

كل الخروم الضيقة بين الشقوق..اتقفَلت

لتفوت هموم , تلمح عيون لسَه الأمل

شادد رموشها لفوق

ونبات ونحلم بالشروق..






تسلم بجد على الكلمات الروعه دي


دمت بحفظ الله

تقبل مرورى البسيط لهذا المتصفح الرائع

تسلم ايدك حماده على تلك الكلمات غايه الروعه

دومت متميز يا اداره

تقبل مرورى البسيط

يسلمو سهر وهشام على مروركم