الشطرنج السياسى فى مصر

ــــــــــــــــــــــــــــــــــــــــــــــــــ ــــــــــــــــــــــــــــــ
الأول : تلاعبنى شطرنج؟
الثانى : ماشى .. معاك الشطرنج؟
الأول : آه .. أهه
الثانى : و ده مصنوع فين؟
الأول : فى مصر
الثانى : لأ طبعاً ... مش هلعب .. هوه أنا إتجننت؟
الأول : ليه؟
الثانى : يابنى الشطرنج اللى معاك ده الوزير فيه مش بيتحرك من مكانه قبل 20 سنه
الأول : خلاص نجيب واحد تانى
الثانى : أنا معايا واحد .. بس فيه حاجه غريبه
الأول : إيه
الثانى : مكتوب عليه
Made in China .. especially for Egypt
االأول : إشمعنا؟
الثانى : حاطين فيه الوزير على كرسى بعجل
الأول : ليه ؟
الثانى : لسببين : أولا: السن له حكمه ثانياً : علشان ميبعدش عن الكرسى حتى لو إتحرك من مكانه ...
تعرف إنى سمعت أن أغلب المسئولين المصريين بيعتبروا الفيل أهم قطعه فى الشطرنج؟
الأول : لأ .. ليه؟
الثانى : علشان عمره ما بيمشى مستقيم
الأول : على كده بقى بيلعبوا من غير طابيه
الثانى : و عندهم الملك بيقتل أى حد و يمشى زى ما هو عايز و معندهمش حكايه الخطوه الواحده دى .. الملك خطوته قفزه للأمام
الأول : هما برده عندهم الحاكم من النوعيه بتاعت : شلوت سعادته دفعه للأمام؟
الثانى :يابنى ده الطبيعى
الأول : طب و العساكر
الثانى : أصلاً مش موجودين
الأول : ليه؟
الثاني : مشغولين بالشعب

ههههههههههههههههههه

تسلمي باكي كتيييييييييييير

والله كل كلمه إتقالت بتعبر عن الواقع


تقبلي مروري يا قمر

ودومتي متميزه بموضوعاتك الجمييييله

اذا كان موضوعاتى جميله فانتى اجمل والله

بمرورك ليا ديما حبيبتى

تسلملى يارب