واحدا رخم جدااااااا راح يفسح خطيبته

واحدا رخم راح يفسح خطيبته شوفو هيعمل فيها ايه


هي : عطشانة

هو : وأنا كمان

هي : يعنى ... عايزة اشرب

هو : أكيد مادام عطشانة يبقى عايزة تشربي

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام!! .. ماأنت كان معاك إمبارح

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى

هو : أكذب عليكى يعنى

هي : لأ .. تحرق دمى أحسن

هو : أنا مش شامم ريحه شياط يعني

هي : ياساتر علي البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك


هي : آآآآه .. طب أنا ماشية

هو : ليه يا حبيبتي؟؟

هي : حبك برص

هو : والله البرص بيفهم عشان حبني

هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان

هو : طب استني لما نوصل آخر الشارع

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

ههههههههههههههه

دا حب يشلها مش يفسحها؟؟؟

طيب يخلي الكلام ده بعدين

أما تدبس يعني

لكن بادئها رخامه كده من الأول؟؟؟؟؟؟؟؟؟؟

ههههههههههههه

راجل رخم صحيح

هههههههههههه

حرام عليكى غنوه ظلمتى الرخم بجد

دى كلمة رخم تافهة بالنسبالوو

انا والله لو لو بقى بقول لو محدش يفهمنى صح هههههههههههههههه

كنت بجد اول عربيه مارة على الطريق كنت رميته تحتها

وده اقل واجب هههههههههههههههههههههههههه

تسلم ايدك طعم البيوت على المحادثه اللى شلتنى دى

هههههههههههههههههههههههههههه

تقبل مرورى

ماتبكيش على اى حد ياعين

ماتخليش الحزن يعيش فيكى سنين

فكرت ان الاصحاب تفرح

هى التانية طلعت بتجرح

ماتبكيش ياا عينا

على سكينة ضربت فيا

من اقرب الناس ليا

دا انا شيتلها جوا عنيا


ماتبكيش على حد اتدخل بينكم

وفرق المحبة اللى اتولدت فيكم

امشى خلاص وقول نسيتوا

انا قلبى خلاص قسيتوا



ماتبكيش يا عينى عاللى راح واتكسر

مع ان قلبى وراه انحصر

وعينى وقلبى معاه اتأثر

ماتبكيش يا عين عاللى راح وانكسر


ابكى على حالك

واوعى تشيلى حاجة فى بالك

ابكى على اللى مفروض تضحى علشانك


واوعى تبكى يا عينى على صحابك

لا بجد برود بس جميل .... هوا دا اللى ياكل معاهم بجد ههههههههههه جميله طعم البيوت . تسلم ايدك

بصراحة الواد عجبانى رخمته قووووووووووى ههههههههه

طبعا هو عمل كدة لانه قبل الجواز عنده فرصة يتكلم

اما بعد الجواز , بعيد عنك هيبقى كدة ههههههههه

ههههههههههههههههههههههه دا ايه تقل الدم دااااااااااااااااا

وبجد هى ايه اللى اجبرها تكمل المحادثة للاخر

كان لازم تسيبه وتمشى

تسلم على المحادثة الرخمة ههههههههههههههه

هو طلع زكى حبيتين , قال انفد بجلدى ههههههه

علشان بعد الجواز هيطلع عينه وهيشتكى لطوب الارض من اللى بيحصلوه وهيبقى حاله كدة هههههههههه