ياستى ..سيبينى بقى عشان أذاكر

بسم الله الرحمن الرحيم


ركـزو معـآيآ


الله أكبر الله أكبر..أذان الظهر..


-يارب.. يارب بحق ده الآدان تنجح يا بيتو يابن ابنى وأشوفك دكتور أدالدنيا


-ياستى بس أنا فى تجارة


-وماله يابنى هو يكترعلى ربنا...... ده ربنا قادر على كل شئ


-ياستى ونعم بالله بس اللى بيطلع دكتور لازم يكون فى كلية الطب مش التجارة


-ياللا تجارة تجارة ..ومالها التجارة ..دى حتى التجارة شطارة..


ده الله يرحمه جدك كان تاجرفى الوكالة أد الدنيا


-ياستى التجارة اللى فى الوكالة حاجة واللى فى الكلية حاجة تانية .


-ع العموم شد حيلك إنته وانا أخلى جدك يخدك معاه الوكاله


عشان تتدردح وتتودك فى السوق


-جدى إيه اللى هايخدنى معاه .....ده جدى مات من زمان ياستى


-يامصيبتى عبد الواحدمات..ياحبيبى ياأخويا..مكنش يومك ياسبعى


-ياستى ده ميت من تلاتين سنة


-تلاتين سنه..ده العمر بيجرى ياولاد تصدق ولا حسيت بيهم


....ياللا أهو غار فى داهيه....قطع وقطعت سيرته..ده كان بخل الدنيا فيه.


.أن ما عمره دخل عليه ببطيخة ولاكيس جوافة .


-ياستى حرااام عليكى عايز أذاكر بقي


-يوه..وأناماسكاك ياوله..ذاكر ...ذاكرعشان ربنا يكرمك وتنجح وتاخدالدبلون


-ياستى دبلون إيه..أسمه البكالوريوس


-إنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخدالدبلون



-خلاص دبلوم دبلوم ياستى ..سيبينى بقى عشان أذاكر



-ذاكر ..ذاكر يا أخويا ذاكر... تعرف ياواد ..ندرن عليا يوم
ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان


-ياستى عبير دى معاها إعدادية


-وماله يابنى ...الراجل مايعبهوش إلا جيبه


-راجل ...راجل مين ياستى...عبير دى بنت


-عبير ...عبير مين ياوله..إنته بتعرف بنات من ورانا



-لا إله إلا الله....أبوس رجلك ياستى إرحمينى بقه


-طب ذاكر....ذاكر جتك نيله وأنته طالع براوى كده زى أمك....قطعت و قطعت سيرتها



...أنا مش عارفه أبوك كان أجوزها على إيه..حكم...قال لبس البوصة تبقى عروسة.


.بس واللى نبى النبى نبى لكون مبوظه الخطوبة دى ومجوزاه أنيسة بت أختى



-ياستى خطوبة إيه..أبويا مجوز أمى من خمسة وعشرين سنة ..


وبعدين أنيسة دى بنت أخوكي مش بنت أختك ..وأساسا إنتى ملكيش إخوات بنات .


-صحيح ياوله ..إنته عندك حق أنا مليش إخوات بنات..أصلى أناأمى ماكنتش بتخلف صبيان



-حراااااااااااااااااااااااااااا اااااام ............ستى ماتطلعى البلكونة شويه ...ده الهوا حلوبره



-لأ يا خويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى .


-خلاص روحى المطبخ ...أهو زمان أمى خلصت الرز



-رز...رز إيه يابنى....هوأنا ليه سنان للرز...أناهطلع البلكونه أحسن


-طب إبقى خلى بالك م الهوى ياستى


-هوى لما يلطشك

ميرسي يا هنا علي مرورك

بجد بتنوريني

وفعلااااا الست أروبه جداااا

بس فاصله شحن والسلوك لمست بعضها كلها

هههههههههههههههههههه

كل اللي إتنصحت فيه شويه هو البلكونه؟؟

هههههههههههههههههه

تسلمي يا قمر علي مرورك

ودايما يارب منوراني

هههههههههههههههههههههههههههههههههههههههههههههههه

بجد تحفه اخر حاجه وبعدين ايه عبير دى ياست غنوه من قلة الاسامى يعنى

ههههههههههههههههههه علفكره انا هروح للكركوبه دى ام اربعه واربعين اللى اسلاك دماغها شايطه

وقولها غنوه دى زى القمر اديها لابن ابنك وخليها تنفعك بعد كده ههههههههههههههههههه

تسلمى ياقمر بجد ضحكتنى كتير وديما كده بتسعدينا بنورك فى المنتدى

تقبلى مرورى

منوراني يا بيرو والله

ههههههههههههههه ههههههههههههههههههههه

بس الإسم ده أكيد خطأ مطبعي

وبعدين ماله العريس ده يعني ؟؟

هي صحيح الست دماغها شايطه بس لسه مش جننته؟؟

بس لو مش عاجبك بيرو نغير الإسم حالا دا إنتي تؤمري ياسلام؟

هأخليه بيرو ههههههههههههههه

منوراني بجد يا عبير

وبتسعديني بمرورك جدااااااااا

دي كلها رشاوي خلي بالك

ههههههههههههههههه

عشان مش تجيبي عنوان الست وتكلميها

هههههههههههههههههه

نورتي مره تانيه بيرو

ودايما يارب منوراني

منورني يا أحمد

وميرسي علي ردك الجميييل

ويارب دايما موضوعاتي عاجباكم

بالنسبه بأه ل بيرو إطمن مش هتقدر توصل للعنوان

هو أنا مستبيعه عشان أخليها تكلم الست وتدبسني

ههههههههههههههههه

ما تقلقش واخده إحتياطاتي كويس

هههههههههههههههههه

وعلي فكره بالنسبه للموضوع هو منقول

أنا قريته وعجبني وضحكت منه كتيييير فقولت أنقله لكم

بس أنا نسيت أكتب إنه منقول

ياااااااااااااااارب يكون عجبكم