يعنى ايه كولا زيرو

يعني يقولك ان من اهم انجازات عصر ما بعد الثورة هى مجانية التعليم.. و اى اسرة فى مصر بتبيع اللى وراها واللى قدامها علشان الدروس الخصوصية
*******
يعني يعملوا مؤتمر سنوى لإنجازات الجزب الوطنى.. والناس كلها عارفة ان مؤسسة رسالة هى اللى فاتحة بيت ناس كتييير قوى فى البلد
*******
يعني ابويا يسافر و يتغرّب ويوفر شقة لولاده من فلوسه محدش دفعله فيها حاجة و ييجى بطرس غالى يفرض عليها ضريبة عقاريه
*******
يعني وزير صحة شريك فى أكبر مستشفيات الجمهورية: دار الفؤاد.. و مراته تتعالج على نفقة الدولة
*******
يعني ندي الغاز لإسرائيل مدعم لعشرين سنة جاية والمصريين مش لاقيين أنبوبة بوتاجاز
*******
يعني وزير الإسكان يبقي سمسار اراضي
*******
يعني تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لانعدام الامن فى جنوب أفريقيا وعدم و جود بنية تحتية فى المغرب وفجاة تاخد صفر كبييير من لجنة الفيفا
*******
يعني يبقى عندك ثلث أثار العالم فى مدينة واحدة بالأقصر وتلاقى دولة زى تونس عدد السائحين فيها اكتر من عندك
*******
يعني تترشح في الانتخابات عن فئة: العمال.. وتنجح فتعيش عيشة: الملوك
*******
إنك تمنع التدخين جوا القطار علشان تحافظ علي أرواح الناس.. ويروح القطار بكل اللي فيه مخيّش في قطر تاني
*******
يعني تبقة نسبة التحرش الجنسي بالفتيات في الشارع المصري والمواصلات العامة 80%.. والحكومة تطالب بخلع النقاب
*******
يعني قناة البي بي سي فيها مذيعات محجبات.. و تلفزيون بلد الأزهر بيمنع ظهور المذيعات المحجبات
*******
يعني يبقي اليهود نهبوا فلوس العالم عشان الهولوكوست الوهمي ويتباهو بقتل اسرانا في تليفزيونهم ومحدش يقولهم حاجة

*******
يعني يتحرق مجلس الشورى والشعب يدعي ربنا ان النواب يكونوا جواه
*******
لما الدايرة الي فيها 2500 صوت مرشح الحزب الوطني ياخد لواحدة 13000 صوت
*******
يعني لما يكون يكون المزارع مش عارف يزرع ارضه بالقمح علشان نحتاج امريكا.. ولما يزرعه ياخدوه ارخص من المستورد 3 مرات
*******
يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امرأة 13 الف جنيه
*******
يعني تبقي عندك بحرين و نيل قناة السويس و11 بحيرة وبتستورد السمك من بره
*******
لما يكون عندنا مجلس قومى للمرأة و اعلى معدلات طلاق فى الوطن العربى
*******
لما يكون عندنا مجلس قومى لحقوق الانسان واعلى معدلات اعتقالات و تعذيب فى اقسام الشرطة
*******
يعني تيجى تشترى شقة فى اسكان مبارك لمحدودى الدخل تحسبها تلاقيها واقفه عليك بسعر السوبر لوكس
*******
يعني كولا زيرو
و غاز زيرو
و مرتبات زيرو
و ضمير زيرو
تنمية زيرو
و انتخابات زيرو
و صحة زيرو
و دقيق زيرو
و ذمة زيرو
وحسبنا الله ونعم الوكيل

منوره الموضوع يا نور

كما زكرتى لا نستطيع فعل شىء سوى ان نقول

حسبى الله ونعم الوكيل

مرورك يسعدنى كثيرا

فداومى عليه

منورنى حبيب قلبى

انت اللى نجم يا غالى

وجودك يشرفنى اتش

دمت بكل ود واحترام

لا يغير الله ما بقوم حتى يغيرو ما بأنفسهم

منورانى يا هنا

فعلا كلامك كله صحيح

مرورك يسعدنى كثيرا

فداومى عليه

دومتى بكل ود واحترام

انت اللى جميل بوجودك فى موضوعى اسبانى

وكما ذكرت

حسبى الله ونعم الوكيل

منورنى يا غالى

اتمنى وجودك دائما بمواضيعى