الله يرحمك يا سبت

الله يرحمك يا سبت
في كل بلكونة ف البيت..
كان السبت المتعلق..
ديما ع الحيط..
أنزله يرجع بالفول..
وعمره يوم ما دلق لي الزيت..
وأنزله يرجع جورنان..
وأنزله يرجع بالعيش..
وأنزله يرجع قمصان..
ف وسطهم أفرول الجيش..
وأنزله يرجع إنسان..
وأنزله يرجع نسمة..
وطفل لسه مش طايل..
سور الكورنيش..
وأنزله يرجع أفراح..
يوم النتيجة وزمايلي..
وشهادة نجاح..
وأنزله يرجع جوابات..
وأنزله يرجع حكايات..
دقة قلبي..
أول مرة قلت أنا حبيت..
وأنزله يرجع أيام..
وأنزله يرجع أحلام..
دلوقتي بنزل أنا والسبت والبيت..
ونرجع إيد ورا وإيد قدام..
لا فرح معانا..
ولا حتي إبرة وخيط..

دلوقتي بنزل أنا والسبت والبيت..
ونرجع إيد ورا وإيد قدام..
لا فرح معانا..
ولا حتي إبرة وخيط.


إختيار مميز جداااا كوكي

تقبلي مروري

شكرا يا غنوة

عندك حق , الله يرحمه
عايزنا نرجع زى زمان , قول للزمان ارجع يا زمان

تسلم ايدك يا كوكى

اشكركم من كل قلبى