لو كتبت قصيدة
مش ح اكتب غير عن مصر
و
يا سلام لو حد هرب م الدوشة
وراح وجابلى ورد..
دة انا
أموت م الفرحة والدهشة
و اقول لة الف الف شكر على الورد
لو كتبت قصيدة
وقولتوا لى حلوة
قوليها تانى
أتنطط زى العيال الصغيرين
و
أقولك احلف
والله العظيم
بتتكلم جد..
يمكن عشان أيام الفرح قليلة
سهل تتعد..
عارفة
رغم إن المخازن
كل يوم بتتحرق
ومفيش حساب ولا جرد..
و
رغم وجود السيرك
والأراجوز
والتلات ورقات
و
جوز وفرد..
واللى بيحصل فى فلسطين والاقصى
ما يرضيش اى حد
عمرى ما اتمنيت أكون أميرة
أو ولية عهد..
لكنى بحلم بوطن
مفيهوش ولا حارة سد..
وطن بيفرح بجد
عارفة ان بلدى
رغم إنها
بتقع..
بتغرق..
بتتنيل بستين نيلة
لكن جميلة
و
عمرها ما هاتتهد
وح تيجى فى يوم ح تقف على رجليها
ومش ح تشمت فينا حد
دية مصر احنا عارفينها
من صغرنا وبنحبها بجد
واعوا تحسبواان فلسطين مش فى قلوبنا
واللى بيحصل لها دلوقتى يرضى اى حد
نقسم بالله انك فى قلوبنايا فلسطين
لاننا بنحبك بجد
التقيم : 
موضوع: لو كتبت قصيدة 
الخميس 16 ديسمبر - 3:10:46
