تاريخ التسجيل : 12/12/2010عدد المساهمات : 900نقاط : 27841 التقيم : 0الدوله : صوره للوسمهتاريخ الميلاد : 23/08/1977العمر : 47
موضوع: دستور يا أسيادنا..! الثلاثاء 21 ديسمبر - 11:20:58
دستور يا اخوانا يا بعدا لأ سوري دستور م البعدا محبوس حابس يا سيادنا و بكاكي من فوق مدنة و ورايا ديوك بيكاكو حرصوا عالباقي معاكو بركة مولانا هولاكو حلت و علينا اللعنة طرطور طرطر طراطير بيغروا فالدساتير و لا عاد فالحتة كبير و يا وارث تورث مين ما الورث إتباع و إتبعنا نرجع تاني لموضوعنا و بيان لديار الإفتا من جمهورية زفتا لعبو و عملوها إستفتا صوت ياللي سامعنا و قوللي ملك ولا كتابة أسد شبل ف الغابة و احلف وحياة راس بابا زفة فمولد كدابة و الله يجازي اللي خدعنا للجوكر ألف تحية ملعون خاش الحرية يحيا قانون العبودية و القوانين الوضعية و الحكومات الشمولية لها مني ألف تحية وحياة أمي دي رجعية و لو صوتنا و جعجعنا واحد ولافيش غير هوه قاعد متربع جوة و بكيفك أو بالقوة لو سوبر مان و فتوة روح قله بقى يودعنا عصابات شغل فتوات و إستعباط على حركات و السقا أبوه لو مات حيقوم يسقي الشربات و يكمل على مواجعنا مزيكة و تراباتتو و نفديك بالدم.. إفدوه بس إحنا و رحمة أبوه مين ده اللي حيلوي دراعنا روح هاتلي لمون بالصودا انا حاسة بريحة شوطة حيصعدوا فصل الروضة و الورث حيصبح موضة لم الجدعان و اتبعنا على قهوة ساقية مكي نصرخ نلطم و حنبكي ده ناويها و بيتكتكلي قبل ما حتى يودعنا ظقططوا يا عيال قولوا هيه الحكم صبح تيك أواي لو عايز قول أوكيه و لو رافض قول أوكيه في كلا الحالتين نوو واي غير كودية و زار ينفعنا لأنا عايزة بخور م الجاوي و حمار أرمل و حصاوي و دراع برغوت مش غاوي تنطيط عفريت و مخاوي شلة مقاطيع يقطعنا حابس من شر الكرسي من شر عزيزة و مرسي من قرص النمل الفارسي م الأحياء و الأموات من كايرو إلى بغداد أشتات أشتوت أشتات حرصوا من لعب السيكا م الحكشة و م البولوتيكا و لا تشمت يوما فيكا مارشيل بنت أم ماريكا قول حاجة الله يهديكا و ادعي معايا يخليكا حلوا بقى عن أوجاعنا و انصرفوا عليكوا اللعنة انصرفوا عليكوا اللعنة !
التقيم : 
موضوع: دستور يا أسيادنا..! 
الثلاثاء 21 ديسمبر - 11:20:58
