يا ابو البنات خليك صاحى عم الفساد مدن وضواحى
ويومنا مزعج من اوله والفتنه سهره صباحى
يا ابو البنات راقب وحاسب واختار اصيل لما تناسب
والبنت اوعا تشغلها وتنتظر منها مكاسب
وابعدها عن شغل الاسواق
اللى اتملت عشق وعشاق
فيها البنات زى السلعه للمستهلك حسب الازواق
فى المكتبات والاجزخنات محلات فيديو كاست والسنترلات
صاحب المحل هيخسر ايه دى البنت يوماها 3 جنيه
اول ما تقف فى المحلات تيجى الشباب
جرى عليه
وفى شباب ليهم خبره بتعدى من ثقب الابره
والبنت زى النار بتقيد بتلقط من الكبريت فى الايد
النار هتاكل سمعتها وتلينه لو معدنه حديد
تسئل ابوها تقله يا خال انت كويس مستور الحال
ويقلك دى وراها جواز لابد الامر هيحتاج
وهى فى الاصل مرتبها ما يكفهاش حتى تمن المكياج
ومصيبته مش فاهم ولا دارى
والفتنه دى تايهه فى داره
وصبح الشرف عنده تجاره
عرض وطلب بايع وشارى
ياعم خد منى نصيحه فى القول والمعنه صريحه
مختصره من اربع كلمات
تهمل شرف هتلقى فضيحه
وصاحب المحل ما لوش صالح
فى مبدئه الدنيا مصالح
ويا ناس زمانه ماله اتغير ايه جراله
عم الفساد كده ليه وشبابنا يا عينى عليه
بيره وحشيش وكمان بانجو
وسهران باليل البدره فى ايديه
يروح ينام 6 الصبح وابوه شقيان يا عينى عليه
امه تقوله اصحا يا واد يقلها روحى بلاش ازعاج
ومصيبته مش دارى بحاله ولا ينظر ايه اللى جرالو
استرها يا رب علينا وعلى شبابنا واهلينا
استرها من عندك يا ربى وما تشمت عدو فينا
ويا ناس شبابنا ماله اتغير ايه جراله
التقيم : 
موضوع: شبابنا مالو 
الجمعة 24 ديسمبر - 4:34:43
