مفيش حاجه

*مفيش حاجة*
*مانيش عايزه خلاص حاجة ولا محتاجه انا لحاجة ولو عايزه صحيح حاجة مخليتوليش ولا حاجة*
*عموماً بصوا فيه حاجة ...... هقولها بس محتاجه لعقول تفهم..*
*ولو حاجة مهيش مفهومة او حاجة ....نفسرها بكام حاجة ..*
*نوضحها بكام حاجة وأهى حاجة مع حاجة هتظهر وتبان لنا حاجة*
*وانا ما بخفش من حاجة مانيش مسنوده ولا حاجة*
*لكن ما بخفش من حاجة لكن فرضاً لو هقول حاجة هيحصل إيه ... ولا حاجة*
هيعملوا إية.... ولا حاجة ولو بعد الشر .. بعد الشر لو واحد من القاعدين من السامعين من الضالين فِهِم حاجة هَيعملوا إيه ؟!
*اكيد برضُه ولا حاجة ....فنتوكل على الستار لوجه الله نقول حاجة فيه*
*ناس بتعيش علشان حاجة وناس بتموت علشان حاجة وناس بتموت على الحاجة*
*وناس تديلك الحاجه وهى ليها محتاجه وناس تديلك الحاجه و تاخد قصادها ميت حاجه*
*وناس تكبر تكون حاجه و ناس تصغر علشان حاجه*
*وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبنش عليه حاجة*
*كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة*
*ما انا ما أقدرش أقول حاجه صحيح نفسى أقول حاجه وميت حاجه لكن مش قادره اقول حاجة*
*لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه*
*عموما ... بصو لو حد من القاعدين عايزنى أبلغه بحاجة يقول مايخفش من حاجة*
*نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة*
*وبتقول إيه...مصمصوا إيه.... وخصخصوا إيه....ده كله كلام مفيش حاجه ... قضية إيه ... ياشيخ روح خلاص مافيش حاجه*
*حرامى إيه ... ولَكّح إيه ... وهرّب إيه؟ شفافيه مافيش حاجة*
*وبتقول إيه ... لالالآلأ عيب لافيه تدليس ولاترقيص ولا تدبيس ولا حاجه*
*سمع مع هس انا حاسه انه فيه حاجة دقيقة سكات لَتبقى حداد انا حاسه انه فيه حاجه*
زمنكوا ياخلق فيه حاجه ولازموا كام وميت حاجه ده لو يعنى إذا كان فيه حاجة انا عن نفسى مش حاسه ولا بحاجة ولا متضايقه ولا حاجة
سعادتك برضه مش زَيىِ مافيش حاجة ؟ ..... أهه بيقول مافيش حاجة جنابك برضه مش زَيىِ وعلشان زَيىِ مافيش حاجة .. أهه بيضحك بيقول مافيش حاجة
ما أنا قولتلكو من الأول مافيش حاجة عليا النعمه يا اخوانّا مافيه حاجة ورحمة ابويا ويّا أبوك على إللّى جابوك ما فيه حاجه
*وعهد الله . وعهد الله. وعهد الله ما خللولنا ولا حاجه*
*بقولك إيه خلاص خلّص وفركش يا اخوانا*
*مفيش حاجة*

إختيار مميز كوكي

تقبلي مروري

مفيش حاجه 555327895

[b]

الشاعره ايمان البكرى من افضل الشاعرات الموجودين حاليا

واصبحت ذات شعبيه وشهره عاليه فى جميع انحاء الوطن العربى

كليب وقصيده جميله

تسلم ايدك كوكا

تقبلى مرورى

مشكوره كوكي علي اختيارك
دمتي بكل ود

» حاتم فهمى مفيش حاجه
» ايمان البكري مفيش حاجه
» حاجه رخمه اخر حاجه
» يانا يا مفيش
» زى اى حاجه بقلمى