السلام عليكم و رحمة الله و بركاته
أكتب هذا الموضوع من قلب مصر فأنا مصرية المولد و المنشأ و الدم ......
انا لا افهم كثيرا في السياسة
لكن ما اعرفه هو ما تمليه عليا مصريتي و عقلي
اولا احنا و مبارك يا ريت ما حدش يتدخل بيننا يعني بلاش تأييد ولا اشعال النار بين المصريين
انا عايزة افهم حاجة لما واحد يضرب ولاده و يتخانق معاهم و هما كمان يتاخانقوا معاه الناس اللي برة ايه دخلهم؟
و بصراحة اللي يسيب ابوه يتشتم من الغرباء من خارج البيت حتي لوكان ابوه ده لا يطاق و عمل اللي ما يتعملش يبقوا مش رجالة ابدااااااااااااااااااااااا
انا لست ضد التغيير ان كان لابد منه و لكن الاعتراض علي الطريقة و علي التدخل الخارجي
و بعدين ايه اللي بيحصل ده عقلي بيقولي في ايد خارجية قولولي ليه؟
عشان الناس استحملت 30 سنة مش قادرة تستني كمان كام شهر؟
مش معقول و بعدين بيقولوا مش عايزين مبارك
طيب عايزين مين مكانه؟
انا كمصرية مش عارفة و كل ما اسأل حد بردو مش عارفين
يعني ايه؟
عايزين السفينة تغرق و بس؟
عايزين حرب أهلية في مصر؟
ان شا ءالله ربنا هيحمي مصر من كل شر سواء داخلي او خارجي
و الجزيرة سايبة كل اللي وراها و قاعدة لتشويه صورة شباب مصرسابت فلسطين و اليهود اللي بيدبحوا فيهم و قاعدين لمصر سابوا العراق واللي بيحصل فيها و قاعدين لمصر؟
وحقوق الانسان طلعت و طلع لها صوت
فين حقوق الانسان دي من فلسطين؟
فين من العراق ؟
فين من جوانتامو؟
فين من باكستان و أفغانستان؟
بقي بتدوروا علي حقوق الانسان من شوية مية و شوية قنابل مسيلة للدموع؟
و القنابل العنقودية في فلسطين أخبارها ايه؟
و في العراق ؟
سايبين كل ده وبيبصوا لمصر
الناس اللي بتقتحم البيوت و بتخرب و تولع في المباني دول مش شباب مصر و شباب جمعة الغضب و الا كانوا من البداية بدأوا كده و بالطريقة دي
انا عايزة افهم خلاص مفيش غير ان الامن المصري اللي بيفرق المتظاهرين بالطريقة دي؟
شوفوا اي مظاهرات في ارقي دول العالم المتحضر بيتعمل فيهم ايه
ثانيا: لو دخل واحد في وسط الناس دي و فجر نفسه زي ما عملوا في كنيسة القديسين ايه اللي ممكن يحصل؟ شوية هيقولوا مسلم من القاعدة وشوية هيقولوا مسيحي بينتقم عشان الكنيسة
فين العقل يا ناس؟
خلاص؟
الدماغ وقفت للدرجة دي؟
شباب مصر زي الفل و رجالتها بألف خير بس مرضي العقول لازم يبعدوا عنهم
وفي النهاية احنا 85 مليون و مش رأي مليون و الا اتنين بيعبر عن كل المصريين
ربنا يستر و يحمي مصر
التقيم : 
موضوع: احنا و مبارك ماحدش يتدخل بيننا 
الأحد 6 فبراير - 19:40:10
