أولا ميرسي يا محمد علي مرورك وردك (اللي مش طويل شويتين وإلا كانت ردودي طويله 10 شويات)
وبالنسبه لأسلوب الحوار أنا صراحه مش سمعت الحلقه دي وحاولت أدور عليها مش لقيت غير المقطع ده وفعلااااااا أسلوب الحوار كان صعب ولم أفهم الكلام (من علو الصوت ومحاولة كل فرد العلو بصوته فوق الآخر) إلا بعد سماع الفيديو أكثر من مره وكان الفرق واضح عندما تكلم حمدي قنديل وكان سؤاله رااااائع وأسلوبه لا يجعل أحد ينتقده وإستطاع أن يوجه سؤاله ويوصل هدفه بسهوله
وإن شاء الله أحاول أدور علي باقي الحلقه وأسمعها
بالنسبه بأه للضغط علي الجيش ففيه نقطتين لازم نتكلم فيهم
النقطه الأولي هي نوع الضغوط والتانيه سببها وإزاي المجلس العسكري كان ممكن يتفاداها
ب
النسبه للضغوط ونوعيتها إنت ذكرتها وأهمها:
المظاهرات الفئويه: واللي أنا صراحه مستاءه منها جدااااااااا
لأن الناس اللي صبرت وسكتت علي الذل والفقر و.......و........... وغيره سنين طويييييييييييييله جايين دلوقتي لما بقي فيه أمل ولما البلد محتاجه مننا كل صبر وجهد وإخلاص جايين يتظاهروا ويطالبوا بزيادة أجور ومساواه وطلبات مستحيل تتحقق بين يوم وليله!!!!!!!!!!
لازم يكون فيه صبر ونشتغل كلنا وكل واحد يشتغل لصالح البلد لأن أما البلد حالها يتصلح كل ده أكيييييد حيتحقق إن شاء الله
مش نيجي والبلد حالها واااقف نطالب بما لا يمكن تحقيقه حاليا ونوقف حالها أكتر
بجد حرااااااااااااام
ولازم كل واحد بيحب البلد دي يعرف إن لها حقوق عليه
ويعرف إن اللي خلاه يصبر علي الظلم والذل 30 سنه البلد دلوقتي أحق بالصبر ده عشان تعلا ونعلا كلنا معاها
أنا أعتقد إن اللي بيعملوا المظاهرات دي إستحاله يكونوا شاركوا في مظاهرات ثورة 25 يناير واللي ما شاركش لسه فاكر يتظاهر دلوقت؟؟!!!!
ويمكن أنا مياله شويه للرأي اللي بيقول إن اللي بيحرك المظاهرات دي ممكن يكون من أنصار وأذناب العهد البائد
بالنسبه بأه لعناصر الشرطهفبأقولهم حرااااااام عليكم
بجد حرااااااام
مش بكفايه مشاركة الكثيرين منكم في محاولة وأد الثوره؟؟؟!!
مش بكفايه إنسحابكم المشين من مواقع الدفاع عن الوطن وهو في أمس الحاجه إليكم؟؟؟!!!!
مش بكفايه سكوتكم ومشاركتكم في الظلم سنيييين طويييييييييييله؟؟؟!!!!
مش بكفايه إن الناس قالت دول ولادنا ومظلومين زينا ودا كان غصب عنهم وإلتمسوا لكم العذر فيما لا عذر فيه؟؟؟!!!
أنا عايزه أسألكم سؤال
هو إنتم أقسمتم علي حفظ البلد وإلا حفظ الظلام والمستبدين؟؟؟!!!!!!!!!!
هو قسمكم وولاءكم كان لمصر والا لحد تاني؟؟!!!!
مش كفااااااااااايه بأه؟؟؟!!!!!!!!!!!!!
لااااااازم تتأكدوا إن عصر الظلم والإستبداد والإستعباد إنتهي
لااااازم تجددوا قسمكم بالولاء للوطن
لاااازم تعرفوا إنكم في خدمة الوطن والشعب وأنكم لستم أسيادااااااااااا وليس لديكم عبييييييد
لاااااازم تعرفوا إن لو الناس كان عنده إستعداد تسامحكم(فيما عدا القتله) فإنتم بتضيعوا الفرصه دي من إيديكم بتأخركم في النزول للشارع وحفظ الأمن
يمكن الناس محتجاكم بس بعد شويه مش هيطيقوكم
هو إنتم لسه فاكرين دلوقت إنكم مظلومين وإن مرتباتكم لازم تزيد؟؟؟!!!!!
هو ده إعتذاركم للشعب؟؟؟!!!!
إنكم تذلوه لحاجته للأمن؟؟!!والأمان؟؟!!!
لاااازم تعرفوا إن شعب مصر خلااااااص ما بقاش قابل للذل ولا للإستعباد
فيا تشتغلوا معانا لمصلحة البلد يا تستقيلوا وتسيبوا البلد لشرطه جديده تقدر تحميها
ودا مش معناه إننا إستغنينا عنكم لكن معناه إنكم رفضتم خدمة الوطن وبالتالي الوطن لا يريدكم فهو غني عن كل من يترفع عن خدمته وقت الشدائد ويغلب مصلحته الشخصيه علي مصالح الوطن
بالنسبه بأه لدور الجيش
فكل مصر تدين بالفخر والإعزاز والحب للجيش الذي قام بدوره علي أكمل وجه
والذي حمي مصر وأخذ صف الشعب ومطالبه المشروعه وحقن دماء المصريين
لكن المشكله تكمن في البطء في أخذ بعض القرارات الحاسمه من محاسبة رءوس الفساد وهذا البطء وعدم الإعلان عن بعض الخطوات الضروريه أعطي فرصه لبعض المتسلقين والمدعين من التشكيك في نوايا الجيش وأعطاهم فرصه لزيادة الضغط عليه في أمور كثيييييره
أنا واحده من الناس فرحت جداااااا بحوار أعضاء من المجلس العسكري في العاشره مساءا(رغم أني لم أتمكن من سماع الحوار كاملا) لأنه وضح أمور كثيييييره وأعطي الناس ثقه أكبر وأسكت كثيييرا من المشككين
لكن هناك إنطباع بأن الجيش لا يعطي إلا ما يضغط الناس عليه لأخذه ولا يتحقق مطلب إلا بعد الضغط الشديد لتحقيقه
لذا فمن الواجب علي المجلس العسكري حتي لا يعطي فرصه لأحد أن يشكك أو يتسلق علي أكتافه وأكتاف الثوار أن يوضح كل الأمر للناس وأن يكون هناك لقاء كل فتره لأحد منهم مع أحد الإعلاميين المحترمين لتوضيح الأمور للناس والرد علي تساؤلاتهم وما يقلقهم
شكراااا مره تانيه لمرورك يا محمد
التقيم : 
موضوع: خناقة أحمد شفيق و علاء الأسواني ، اون تي في 
الجمعة 4 مارس - 2:26:53
