المصرى قبل 25 يناير

سؤال اتردد فى الاذهان @@@هو المصرى فى ارضه مهان
يا تـــرى ده عيـــن العقل@@@ولا ده درب من الهذيان
يطلع عينه فى زرع الارض@@@ياكل اللقمة بكل هوان
يسرح فيها بالطول والعرض@@@اخر الليل يبات عطشان
يطلب عيش بملح الارض@@@فى الطوابير يبات ازمان
يشرب ميه بطعم الصرف@@@من التيفود يبات عيان
يدفع قوته اخر الشهر@@@ديونه تطارده فى كل مكان
يوفر شهر ويركب قطر@@@تروح حياته فى القضبان
(كتبت هذا الشعر قبل 25 يناير فهل بعد الثورة سيتغير الوضع)

كلمات ومعانى جميلة يا هادى

بس احنا اللى وصلنا نفسنا لكدة

شوف سواق التاكسى وهو وبيقفل على زميله علشان خاطر زبون

شوف سواق المكيروباص ممكن يموت واحد علشان نصف جنيه

شوف لما تروح فرن عيش تجيبه بالوساطة !!!!

شوف لما تلاقى موقف مش عاجبك واخرتها تمشى وتقول انا مالى شوف وشوف وشوف

شوف لما واحد صاحبك يسأل تعرف حد فى وحدة التراخيص , وبكل افتخار اه , تعالى ولا يهمك هخلصلك كل حاجة



نتمنى الجاى يكون افضل ان شاء الله

أكييييد إن شاء الله الوضع هيتغير

بس المهم دلوقت إن كل واحد يبدأ بنفسه ويحاول يتغير للأحسن

تسلم إيدك علي الكلمات هادي

تقبل مروري

[b]ان شاء الله هايتغير

الناس مش مستحمله تشوف المصايب دى تانى

تسلم ايدك هادى

تقبل مرورى