عزيزاتي عضوات المنتدى اكيد كل وحده فيكم عانت في بدايت
زواجها من تنظيف المطبخ مثل ماعانيت خاصة في تنظيف الاشياء القريبه
من الفرن مثل الجدران اللي يتراكم عليها الدهون نتيجة للغلي
واكثر شي كان يزعجني عيون البوتجاز اللي كانت لونها اصفر وبعدين
بعد كم استخدام صار لونها اسود ومهما فركتي ماترجع ابدا
وماينوبش الا تقطع ايدينش وبعدين اكتشفت طريقه ظنيت ان الكل يعرفها الا انا
طلع بعدين ان القليل يعرفونها وهي اكيد بسيطه وسهله وبواسطة مواد متوفره
وهي كالاتي واسف على التطويل
اذا بتنظفين الفرن او البوتجاز فكي العيون وحطيها في وعاء بلاستيكي
وضعى عليها ماء دافي وحوالي نص كوب صغير خل وخليها
حوالي نص ساعه وبعدين فركيها وبتشوفين الفرق
أما الجدران واللي اهم مراوح الشفط اللي مايصير نخليها وسخه
وعلى الاخص اللي في المطبخ واللي يتراكم عليها الدهون ولو خليتها
ممكن تتسبب في حريق والطريقه السهله جدا رفعي سلك
الكهرباء اولا و بعدين رشيها بمزيل الدهون اللي نستخدمه على الفرن
وخليها ربع ساعه بعدين فركيها باي ليفه ونظفيها بفوطه
واذا كانت مروحة الشفط بلاستك اسهل واسهل فكيها ونزلي المروحه
ورشيها وغسليها بعدين عادي ولا فرك ولا يحزنون
اتمنى تستفيدون وتكون حياتكم اسهل في المطبخ
_________________
التقيم : 
موضوع: تنظيف عيون البوتجاز ومروحة الشفط في المطبخ 
الخميس 2 يونيو - 13:41:20
