كلمات اغنية ( في يوم وليله ) ورده !!!

في يوم و ليلة .. في يوم و ليلة
خدنا حلاوة الحب كلو في يوم و ليلة
أنا و حبيبي ...أنا و حبيبي
دوبنا عمر الحب كلو في يوم و ليلة
عمري ما شفتو ولا قابلتو و ياما ياما شغلني طيفو
وفي يوم لقيتو لقيتو هو .. هو اللي بتمنى شوفو
نسيت الدنيا و جريت عليه ... سبقني هو و فتح إيديه
لقينا روحنا على بحر شوق نزلنا نشرب و دبنا فيه
مين يصدق يجرى ده كلو... و نعيش سوا نعيش سوا
العمر كلو في يوم و ليلة ليلة ليلة ليلة ليـــــلة

* * * * * * * * * * * * * * *

يللي كان طيفك على بالي و أنا بتمناك
مش هتصدق ايه كان حالي قبل ما ألقاك
كنت بحسد كل فرحة أشوفها بين قلبين
كنت أغير من أي نسمة حلوة بين حبيبين
أنا لما صحيت على حبك و شفت الدنيا من عندك
اتمنى لو كل العشاق يحبو زي أنا ما بحبك
يا حبيبي كنت وحشني ... من غير ما شوفك و تشوفني
و القدر الحلو أهو جابني ... و جابك علشان تقابلني
أتارينا كنا تايهين و لقينا احلى ايام ليالينا
و إحنا فيها لوحدينا
و مين يصدق يجرى ده كلو و نعيش سوا
العمر كلو في يوم و ليلة

* * * * * * * * * * * * * * *

قالولي أهل الهوى ياما ياما فيه قلوب مجاريح
بحبك إنت أنا حشفي كل جريــح
بيسألوني لو غبت عني لو غبت عني
أو روحت مني أو رحت مني
أعــمل إيـــه أحب تاني مش ممكن اقدر
تعرف يا روحي ما اقدرش ليه ..
هو اللي زيك لو كان في زيك في الدنيا .. حدا يحب عليه
دي كل حاجة تغيرت قدام عينيّ
و كل شيء في الدنيا حلو بقول ده ليّ
وأي حاجة ألمسها تحلى بين إيديّ
ده من نهار حبك ما و سلم عليّ

* * * * * * * * * * * * * *

حبيب آمالي يا غالي .. عمري كلو ليك
و كل عمري يا عمري مش خسارة فيك
بقول بحبك و حبك كان معادو بعيد
و في يوم و ليلة .. ليلة جميلة هلت المواعيد
قابلت شوقك بشوقي بعد طول حرمان
و في يوم و ليلة .. ليلة جميلة ضحكتلي يا زمان

* * * * * * * * * * * * * * * *

لو قالولي اليوم و ليلة دول حياتي يا حياتي
أقول كفايا..دي الحياة في الحب لو ثواني..عمر تاني مالوش نهاية
يالي حبيتو قبلنا .. يالي حتحبو بعدنا
يا رب يتمم فرحكو .. يا رب يا رب
و تحبو بعض زينا..
يا حبيبي كنت وحشني من غير ما شوفك و تشوفني
و القدر الحلو أهو جابني و جابك علشان تقابلني
أتارينا كنا تايهين و لقينا أحلام ليالينا
و إحنا فيها لوحدينا
و مين يصدق يجرى ده كلو و نعيش سوى
عمر كلو في يوم و ليلة ليلة ليلة

من روائع العظيمة وردة

تسلم ايدك سهر

كلمات اغنية ( في يوم وليله ) ورده !!! 34893-1265421567

» كلمات اغنية اه من الفراق
» كلمات اغنية* كل ذنبى * لوليد سعد
» كلمات اغنية بكلمة منك شيرين
» كلمات اغنية تامر عاشور وحشتنى
» كلمات اغنية احساس فــظـيع محمد حماقي 2010