قصة عمرو حمزاوى والفنانة بسمة تشعل التويتر مابين مؤيد ومعارض وساخر

قصة عمرو حمزاوى والفنانة بسمة تشعل التويتر مابين مؤيد ومعارض وساخر

((.....البرادعى على تويتر:زواج عمرو وبسمة خطوة على الطريق الصحيح واتمنى خطة واضحة للفرح عقبال اسماء محفوظ جوزوها فورها)) كهذا كتب احد نشطاء الفيس بوك اليوم على حسابة ساخرا من قصة الناشط عمرو حمزاوى والفنانة بسمة التى شهدت تصاعدا طوال الايام الماضية عقب تعرضهما لحادث سطو مسلح بمدينة 6 اكتوبر ،وجاء مقال عمرو حمزاوى فى الشروق المصرية صباح اليوم عن قصتة مع الفنانة بسمة ليشعل التويتر مابين مؤيد ومعارض ومنتقد وساخر ،فمثلا كتب احد التويتريين ((كان بهمنى من موضوع حمزاوى شعورة امام اللصوص المدججين بالسلاح وهم يخطفون من يحبها ويأمروه بتركها والنزول فعمل اية غير انة نزل وسابها)) ،وكتب اخر ((مقالة عمرو حمزاوى قلبت الطويتر و خلتوا الموقع العاطفى الوحيد الذى لا يجد الأب و الأم حرجاً من وجوده بالاتطرنت")) ،وكتب ثالث ((البنات هيتهبلوا بحمزاوى بعد المقالة دية...هيقولولك دة حد كيوت رومانتيك خالص )) ،وكتب رابع ((طيب كده نتوقع إن يسرى فودة إن شاء الله مقاله اللى جاى هيكون بعنوان: الرفاق يتسائلون ... حبيبتى من تكون))

،وكتب خامس ((تحية لعمرو حمزاوى اللى ضحى بأصوات الناخبات من أجل كرامة حبيبته )) ،وكتب سادس ((طب المجلس العسكري لسه منزلش بيان بيشكر فيه حمزاوي ويتمني للطرفين حياه سعيدة في ظل دوله مدنيه)) ،وكتبت اخرى((أنت مش بتكتب في الشروق؟؟ مش هتصارح المجتمع بحبك ليا؟؟ وللا بطلت تحبني خلاص و شايفلك شوفة تانية؟؟)) ،وكتب اخر ((
مقالة "انا اشك اذا انا دبوس" بتاعة عمرو حمزاوي دي طرية اوي اكتر من اللازم بقى, والحب مش كده ياعم, ربيلها شنب يعلمها الأدب)) ،وكتب اخر((
وبعدين اللى احنا ناسينه انة سابها للصوص ولم يذكر انه قاوم او انجرح قالولوا انزل نزل ..واضح ان بعد العملة دى بسمة حتفرقعة فحب يعمل منظر )) ،وكتب اخر ((مقالة حمزاوى عن حقة فى اختيار من يرتبط بها موجهة للتيارات المتشددة التى لا تؤمن بهذا الحق (( وكتبت اخر ((بغض النظر عن رأيي في عمرو حمزاوي عامة .. بس سعيدة بقدرته على إعلان حبه .. و أنه شايفه مصدر قوة مش ضعف .. صباحكم حب علاني)) ،وكتب اخر ((نداء إلى كل التويبس: أرجوكوا..أتوسل أليكم أن تكفوا عن الحديث على عمرو حمزاوى ولتبحثوا عن شىء آخر تتحدثوا عنه)) ،وكتب اخر ((أحب اهدى عمرو حمزاوى أغنية لطفى بوشناق: لامونى اللى غاروا منى..قالوا لى وش عجبك فيها..جاوبت اللى جهلوا فنى..خدوا عينى شوفوا بيها)) ،وكتب اخر يقول عبلى حسابة ((علي فكرة لو كل بنت اتشرطت ان الولد الي بيحبها يقول ده فالشروق فابشروا نسب العنوسة في كصر هتعدي. . الله يحرقك يا حمزاوي))، وكتبت اخرى ((عمرو بك حمزاوي بيحب المشخصاتية بسمة .. والشعب رجعي محتاج يوسف وهبي أو شكري سرحان يفوقه .. دا اللي طلعت بيه م المقال))،وكتب اخر ((تلخيص مقالة عمرو حمزواي: انا بحب بسمة بس اهلي مش راضيين بيها عشان بتشغل لامؤاخذة شغلانة عيب وانا مش شايف انها عيب))