خديني بقلم محمود احمد سيد

نرد من جديد بقلم جديد وقصيده جديده لنثبت اننا موجودين مع كلمات لشاعر لم يتعد العشرين من عمره
قصيده جميله باللغه العاميه لاخ من اخوتي بل لاستاذ من اساتذتي سمح لي بنشرها هنا معكم وانا من اول المعجبين بها وارجو ان تنال اعجابكم
اخي هو محمود احمد سيد الشاعر الواعد
ومع كلماته

خديني
يا ميييت اها بتحلم يتسمعلها صوت
انا حسك انا حاسك
انا شايف دموع في عنيكي
رافضه تكون علي خدك
ياريت لو اقدر ابكيها بدال منك
ياريت تسقيني من حزنك
كاسات المر
لو منك
هحسه كانه طعم التوت

يا ميت اها بتحلم يتسمعلها صوت

خديني فارس
لا ده لو فارس من المفروض انا اللي اخدك
واجيلك في عز الليل
واقوم خاطفك
علي حصان بلون ابيض
وانا لا حيلتي اسود ولا ابيض
ومش فارس
ولا اعرف حتي ايه هي الفروسيه
خديني لعبه
تسليه
انا العسكر يا حراميه
سرقت القلب بدون قصدك
ولا نيه
ومحسوبك
ما يعرفش الملاغيه
ولو بالحسبه نحسبها
تلاقيني بحبك مايه في المايه


خديني سلاح
تخوضي بيه في معركتك
خديني ابن
يحققلك في يوم حلمك
خديني اخ
واااخ منك
يا تاخديني يا اما في يوم انا هاخدك
ام لعيالي
حبيبه
لقلب كان خالي
ودلوقتي ما يعرفشي سوي حبك
من الاخر
بحبك موت
ياريت لو تفتحي قلبك
وحضنك يبقي ليا تابوت
يا ميييت اها بتحلم يتسمعلها صوت


واتمني ان تعجبكم الكلمات [center]

تسلم ايدك حبيبي كلمات جميله

يسلمووووووو محمدشعر جميل

يسلم صديقك على تعبيره

تقبل مرورى

تسلمي هنا
وتسلم يا نجم
وللاسف صديقي بيمر بفتره من ...
مش عارف اسميها ايه
بس باذن لله يرجع للشعر من تاني
ونرجع احنا كمان
لان الفتره دي بقت فعلا لا تطاق وما حدش عارف يمسك قلمه
وهاوصله كلامك باذن الله